مشرکلر و اولرنینگ اسلام شریعتیده گی و سوزله شو آدبیاتیده گی تعویل اهلینی حکملری. (20)
بسم الله والحمدالله.
اما بعد: السلام علیکم و رحمة الله و برکاته.
سوال.(3)
کافرنی مشرکدن فرقی بارلیگینی همه میز هم بیله میز. سیزنی نظرینگیزده کافرنی مشرکدن فرقی نیمه ده؟
سیزنی منه بو سوالینگیز، حودّی حِتایلیک یا کورد یا بلوچ یا فارس یا عرب و باشقه لرنی انساندن نیمه فرقی بار؟ یا بولمه سه م شافیعی، جعفری، مالکی، حنفینی میلماندن نیمه فرقی بار دیگنگه اوحشیدی. اوموما آلگنده سوالنی بیریلیش اساسی حطادیر. انسان بولیشلیک هم اومومی بولیب، کورد، فارس، عرب،تورک و باشقه نجادلرنی اوز ایچیگه آله دی. مسلمان بولیش هم اوز دایره سیده برچه اسلامی مذهبلرنی جومله دن جعفری، حنفی، شافعینی قمره ب آله دی.
الَّذِينَ كَفَرُوا جِنْسٌ،
کافرنی جنسی هم اومومی بولیب، انسانلرنی آره سیده گی بیز تشخیص بیریشگه قادر بولمیدیگن ایچکی کافر و منافقلردن تشقه ری برچه آلتیته لیک کافرلرنی جومله دن:
1-ٱلَّذِينَ هَادُواْ 2- وَٱلصَّٰبِـِٔينَ 3- وَٱلنَّصَٰرَىٰ 4- وَٱلْمَجُوسَ 5- وَٱلَّذِينَ أَشْرَكُوٓاْ (مشرکین) 6- مَنْ يَرْتَدَّ مِنْكُمْ عَنْ دِينِهِ
1.یهودیلر 2.صایبین 3.نصارا 4. مجوس 5.مشریکلرنی اوز ایچیگه آله دی.
بو سوالنی عادتده حِتایلیک، کورد، تورک یا بولمه سه م انسانیت ده گی نجادلرنی بیرارته سینی انسان دیب یاکی اسلامی مذهبلرده گی حنفی، جعفری، شافعی و باشقه لرینی مسلمان دیب حسابله میدیگن کیشی بیره دی. یعنی بو سوال بیرینچی قدم ده یا بیرینچی مرحله ده مسلمانلرنی ناتوغری تکفیر قیله دیگن کیمسه لرگه تیگیشلی دیر. اولر سیزگه فلانچینی مشرک دییلگنده، بو اونی کافرسن دیگه ن معناده ایمس دیماقچی بولیش یاپتی. یعنی مثلا ابو جهل، ابو لهب، اومیه ابن حلف و باشقه مکه مشرکلری هم کافر بولیشمه گن دیگنگه اوحشیدی.
منه بو سواللر و شبهه لر، فرقه لر و تورلی هیل اسلامی مذهبلرنی آره سیده گی نجدیت یا نجدیت زاده لرگه تیگیشلی بولیب، اولر مسلمانلرنی مشرک دییشگه اساسلنگن باشی بیرک حطالر کوچه سیده قالیب کیتیشگن و آرقه گه قیتیش یا اوزلرینی توغریلش گه هم حاضر ایمسلر. “مسلمان مشرک” دییلگن سوز ترکیبینی اوزی حطا و اسلامگه قرشی دییشنی حاحلشمیدی. بو حودّی یهودی مسلمان، نصرانی مسلمان یا مجوسی مسلمان، صایبی مسلمان دییشگه اوحشیدی. منه بو کیشی لرگه بس،ایندی بو ایشلرنی توگه تینگلر، قه چانگه چه بو ناتوغری حطا بیلن مسلمانلرگه قرشی روحی و قورالّی جنگلرنی یولگه قوییشده و مسلمانلرنی قانی، مالی و آبروسینی اوزلرینگیزگه مباح قیلیشده دوام ایته سیزلر؟ -دییشیمیز کیرک.
سین فلان مسلماننی مشرک دییشلیگینگ بیلن درواقع اونی تکفیر قیلگنسن. انه اوشه فلانچی مسلمانگه سین یهودی مسلمان، یا مجوس مسلمان یا نصرانی مسلمان یا صایبی مسلمان دییشینگ گه اوحشیدی. بو ترکیبی سوزلرنی برچه سی اصلیده بو مسلمانّی تکفیر قیلیشلیک دیر.
برچه اسلامی مذهبلر بیان قیلگه نیدیک، همه مشرکلر کافر بوله دی. حکم جیهه تیدن فلانچی مشرک دیگن پیتیمیزده منه بو شخصنی آلتیته لیک گوروه ینی
1- ٱلَّذِينَ هَادُواْ 2- وَٱلصَّٰبِـِٔينَ 3- وَٱلنَّصَٰرَىٰ 4- وَٱلْمَجُوسَ 5- وَٱلَّذِينَ أَشْرَكُوٓاْ (مشرکین) 6- مَنْ يَرْتَدَّ مِنْكُمْ عَنْ دِينِهِ
1.یهودی 2.صایبین 3.نصارا 4. مجوس 5.مشریکینّی بیریدن سن دییش بیلن برابردیر.
بو ییرده نجدیت بیر مسلمانّی کافر مشرکلر صفیگه قوشیشی بیلن حطا قیلگنینی یحشی بیله دی. بو مسلمان کیشینی یهودی یا نصرانی یا مجوس یا صایبی کافرلرنی صفیگه قوشیشیگه اوحشیدی و منه بو مسلمانّی شریعتگه قرشی روش بیلن، ناتوغری تکفیر قیلیشدیر چونکی:
-بیرینچیدن بیر مسلمانّی تکفیر قیلیش و اونی اسلام دایره سیدن چیقه ریش اوچون تکفیر قیلیش قایده سیگه رعایت قیلیش و اولرنی اصلی “تورت فیلتیر” دن اوتکه زیش لازم. اولر منه بونگه اوموما رعایت قیلیشمه گن، شو سببلی هم گاهیده بوندی دییشه دی: کافرلر و مشرکلر. یعنی اولرنی فقط بیر طرفله مه تکفیر قیلیشگن حالاص، باشقه تاماندن ایسه اومومنی فکرینی چلغیتیش ،محالفلرنی ذهنینی مشغول قیلیش اوچون اسلامیگه اوحشش عباره لر و سوزلر اویینینی قول له گن حالده کافرلر و مشرکلر دییشه دی. گویاکی مشرکلر باشقه نرسه و کافرلر هم باشقه نرسه. اصلیده ایسه اولر سوزلراویینینی اوینه ب ، اوزلری تورگن جایلریده ایله نیشیَپتی و شرعی حمایه سی بولمه گن کلیمه لرنی تلفظ قیلیشیپتی حالاص.[1]
-ایکّینچیدن بیر مسلمان اسلام دایره سیدن چیقگه ندن سونگ اونگه فلانی مشرک یا یهودی یا مجوس یا صایبی بولدی دییشنی اورنیگه اونگه فلان شخص مرتد بولدی دییشمه گن بولر ایدی. نجدیت بیر قدم آلدینگه اوتیب، تکفیر قیلیش قایده و مرحله لریدن سکره ب، مسلمان شخص دیندن قیتگندن سونگ توره دیگن طبقه نی هم مشحص قیلیب قویه قالیشگن.
اهلی سنتنی منهجیگه آئد معلوماتینی بیلگن کیشی، یه نه آکاه حالتده، قصدّن،اوزینی اختیاری بیلن منه بو حطا یولیده دوام ایته دیگن بولسه، قوییده گی ایکّی حالتدن بیریگه توشه دی:
1-ابن بطه رحمه الله ابانة الکبراده ایتگه نیدیک اوزینی نفسی-هواسیگه ایرگه شه دیگن قیسیر، گوناهکار مسلمان حسابله نه دی:
أنَّ مَنْ كَرِهَ الصَّوَابَ مِنْ غَيْرِهِ وَنَصَرَ الْخَطَأَ مِنْ نَفْسِهِ لَمْ يُؤْمَنْ عَلَيْهِ أَنْ يَسْلُبَهُ اللَّهُ مَا عَلَّمَهُ، وَيُنْسِيَهُ مَا ذَكَّرَهُ، بَلْ يُخَافُ عَلَيْهِ أَنْ يَسْلُبَهُ اللَّهُ إِيمَانَهُ[2]
بیر کیمسه باشقه لرنی آلدیده گی حقیقت، صاغلام فکرنی ایشیتیش و قبول قیلیشنی یامان کورسه و حاطیری آزارلنسه و اوزینی حوضوریده گی حطاسیده گی حقیقتنی بیلیب تورگن حالده دوام ایتسه، الله تعالی اونگه اورگتگن نرسه سینی هم اوندن تارتیب آلیشی، اورگنگن نرسه لرینی اونوتّیریب یوباریشی و یه نه ده قورقینچلیراغی الله تعالی اونی ایمانینی هم تارتیب آلیش ایحتمالی بار.
2-یاکی قرآننی آچیق-صاف آیتلری و رسول الله صلی الله علیه وسلمنی صحیح سنتلری همده برچه صحابه رضی الله عنهم نی فکرلری، همه اسلامی مذهبلرنی فکرلرینی قرشیسیده دشمننی روحی جنگینی اجرا قیله یاتگن کیمسه لردن بیری ایکنلیگیده شبهه قیلمه سه هم بوله دی.
اما اگر اوزیمیزنینگ اوتگن دوریمیزگه اوحشب معلوماتی بولمه گن و نجدیتنینگ نهایتده کینگ-کوله ملی تبلیغاتی تعثیریده نجدیت کسه للیگیگه مبتلا بولگن و منه بو حطا یولده الله نی رضالیگینی کسب قیلیش، حالیص نیات بیلن حقیقتگه ییتیشیش، الله نی دینی و الله نی بنده لریگه حیذمت قیلیشده حرکت قیله یاتگن عزیزلرگه فکری و منهجی بیمار بولگن کیشی صیفتیده قه ره ش کیرک و اولر دیلسوز، جانکویَر دکترلر تامانیدن درمان قیلینیشی لازم.
شوندی ایکن مسلمان شخصی اوزینینگ برچه نظری و عملی حطالری بولیشیگه قه ره مسدن مسلمان حسابله نه دی یاکی تکفیر قیلیش قایده لریگه رعایت قیلگن حالده مرتد بوله دی ، مسلمانّی ناملش اوچون اوچینچی اورینّی اوزی یوق.
[1] حمد بن علی بن عتیق در مورد دشمنی با کفار و مشرکین بحث جالبی در کتاب سبیل النجاة و الفکاک من موالاة المرتدین و أهل الإشراک دارد. البته سایر نجدیت هم چنین بحثهائی را ارائه داده اند.
[2] ابن بطة، العكبري، الإبانة الكبرى ج2 ص545