Муқаддамот дарслари/ саккизинчи дарс : фитрий эхтиёж сифатидаги шодлик ва уни қандай контрол қилиб бошқариш.
Шайх Абу Хамза хўромий хафизахуллохни аудио тасмасидан ёзиб олинган
(3- қисм)
Бу ерда ота-она болаларга нима яхши ва нима ёмон эканини ўргатади, улардан сўнг спутник каналлари,ахборот воситалари, мактаблар, мадрасалар,дўстлар, хукуматлар ва жамиятга хоким бўлган қонунлар бугунги кунда боғча давридан бошлаб то ўлгунича нима яхши ва нима ёмон эканини таъйин қилади,шундай қилиб, аллох таоло бу болага аллохнинг шариатидаги қонунини ва хидоятни топиш учун берган бу ишора, ота- оналар ва спутник каналлари ва бошқа нарсалар томонидан аллохни шариатидаги қонунига хилоф равишда қадриятларни, қонунларни таништириш орқали, шахсни аллохнинг назарида яхши бўлмаган яхшиликларга йўллайди ва аллохни назарида ёмон бўлмаган ёмонликларга уни хидоят қилади. Мана шу шаклда шахснинг соғлом фитратига зарба урилади ва ёзилмаган тоза вараққа бола хато бўлган нарсаларни ёза бошлайди. Шу ерда биз ота- она болани бузди ёки ота- она спутник каналлари ва бошқа нарсалар болани бузиши учун шароитни яратиб берди,дея оламиз.
Мана бу фитрий ишлар уруғларга ўхшаб аллох хохлаган шаклда ўсиши учун муносиб тупроққа ва муносиб хавога,мухитга, хидоятга, парваришга эхтиёжи бор, бу ишлар аввал бошида парваришга мухтож бўлмайди, аммо босиб ўтиладиган йўл давомида ва ўзини замонида аллохни шариатидаги қонунлар ва қадриятлар асосида эътиборга,парваришга мухтож бўлади.
Рост гапиришга мойиллик ва ёлғондан нафратланиш хаммани вужудида бор, ёки омонатдор бўлишга мойиллик ва хиёнатдан нафратланиш хам хаммада мавжуд ёки турмуш қуришга мойиллик ва оила ташкил қилиш, ёлғиз яшашни ёмон кўриш хам хаммада бор, бойликка мойиллик ва фақирликдан нафратланиш хам хаммада бор, хаммани вужудида фитрий суратдаги бундан бошқа жуда кўп ўринлар мавжуд, аммо мана бу ўринларни хар бири ўзини мархаласида ва ўзини замонида болага таълим берилиши лозим, чунки у бу ерда мана бу яхшиликларни қандай қўлга киритишни тўғри йўлини ўрганади? Сут эмадиган болага ростгўйликни ва ёлғондан пархез қилишни таълим берилмайди, чунки бу мойилликни мана бу ёшда хидоят қилиб бошқариб бўлмайди, лекин бундан юқорироқдаги ёшда буни имкони бор, ёки бошланғич синфдаги болага турмуш қуриш ва оила ташкил қилишни таълим берилмайди, чунки мана бу нарсаларга мойиллик бундан юқорироқдаги ёшда ўзини кўрсатади ва ўша ёшда хидоят қилиниши ва таълим берилиши керак, бундан бошқа фитрий ишлар хам худди шу тартибда бўлади.
Тайёргарликлар шахс тушган шароитга,замонга муносиб суратда бўлиши лозим ва шахснинг ана ўша замондаги тайёргарликларга ва таълимга ва қонунга эхтиёжи пайдо бўлади. Энди агар таълимлар ва қонунлар аллох таолоники бўлса, шахс яхшилик ва салохият йўлида бўлади ва агар мана бу тайёргарликлар ва таълимлар ва қонунлар аллохни шариатидаги қонунга хилоф бўладиган бўлса, шахс фасодланиш ва фитрий ишларини хам фасод бўлиши йўлида тушиб қолади. Аллох таоло қуйидагича мархамат қилади:
فَأَقِمْ وَجْهَکَ لِلدِّینِ حَنِیفاً فِطْرَةَ اللَّهِ الَّتِی فَطَرَ النَّاسَ عَلَیْهَا لَا تَبْدِیلَ لِخَلْقِ اللَّهِ ذَلِکَ الدِّینُ الْقَیِّمُ وَلَکِنَّ أَکْثَرَ النَّاسِ لَا یَعْلَمُونَ (روم/30)
Бас, (эй Мухаммад), ўзингизни доимо тўғри бўлган динда (исломда) тутинг! Аллох инсонларни яратган табиий хилқатни сақлангиз! Аллохнинг яратилиши ўзгартирилмас. Энг тўғри дин мана шудир. Лекин кўп одамлар билмаслар.
Мана бу ерда очиқ-ойдин кўриниб турганидек фитрий ишларни аллох таоло яратган ва аллохнинг хилқатида хеч қандай ўзгаришга йўл йўқдир.
Ўзгариш яъни бир нарсани бошқа бир нарсага ўзгартирилишини англатади. Масалан чўп ёнишни асарида кўмирга айланади, бу нарса ўзгаришдан фарқ қилади. Масалан агар худди шу чўпни бўлакларга бўлиб курси ё хонтахта ясаб уни ўзгартирилган бўлса хам, унга барибир чўп дейилади, уни мохияти ўзгармаган ва у бошқа бир нарсага айланиб қолмаган, энди худди шунга ўхшаш мана бу фитрий ишлар хам бошқа бир нарсага айланиб қолмайди, аммо улар ўзгариши мумкин, хатто агар бу ишлар аллохни шариатидаги қонунларни қарама- қаршисига туриб қолган тақдирда хам, улар ўзини кўрсатади ва шахсда аллохни шариатидаги қонунларга мойилликни вужудга келтиради. Мусулмонлар ғайри мусулмонларда хам мана бу мойилликларни тарғиб қилиб қўзғатишади. Буни натижасида кофирларни жамиятидаги жуда кўп одамлар мусулмон бўлишади, аммо халок қилувчи такаббур касаллигига дучор бўлган кофирларни дастаси ўзларини қайсарликлари,хасадгўйликлари туфайли инкор қилишади ва аллохни шариатидаги қонунни қабул қилишмайди, лекин улар аллохни шариатидаги қонун сахих эканини жуда хам яхши билишади:
وَجَحَدُوا بِهَا وَاسْتَيْقَنَتْهَا أَنفُسُهُمْ ظُلْمًا وَعُلُوًّا ۚ فَانظُرْ كَيْفَ كَانَ عَاقِبَةُ الْمُفْسِدِينَ(نمل/14)
Ва ўзлари аниқ билган холларида зулм ва кибр қилиб, у (мўъжизаларни) инкор этдилар. Энди (эй Мухаммад), у бузғунчи кимсаларнинг оқибати қандай бўлганини кўринг.
Мана бу холатда фитрий ишлар инсоннинг энг афзал рухий истаклари бўлиб қолади ва мавжудотдаги моддий ва жисмий истаклар каби ғаризий ишларни харгиз йўқ қилиб бўлмайди. Албатта ғаризий ва фитрий ишлар бир-биридан фарқ қилади, агар бир киши келиб инсонни фитрий ишларини хисобга олмаган холда фақат ғаризий ишларини назарда тутадиган бўлса, у ошкора инсонни бошқа хайвонот билан баробар қилиб қўйган бўлади. Шу сабабли хам кўриб турганимиздек секуляристлар хайвонларни устида рафторий ва рухий ишларни имтихон қилишган пайтида, бу имтихонни натижасини инсонларни устига хам умумийлаштиришади ва инсон хам шулар каби бўлади дейди, мана бу нарса ошкор хийла ва саргардонлик бўлиб секуляризм дини буларни инсонни хайвонлаштириш ва уни фитрий эхтиёжларини ғаризий эхтиёжлар воситасида контрол қилиш учун вужудга келтирган.
Ғаризий ишлар инсон учун хам ва бошқа мавжудот учун хам бир эхтиёж бўлгани каби, очиқ- ойдин кўриниб турганидек барча фитрий ишлар хам инсон учун бир эхтиёж хисобланади. Шунга ўхшаш шодлик ва бахт хам шахсларнинг хаётига жуда кўп таъсири бўлгани туфайли, инсоннинг энг мухим рухий эхтиёжи сифатида, барча инсонлар учун башариятнинг асосий зарурати ва эхтиёжи хисобланади, шодлик дард тортиш ва севиш, ташвиш, ғам ва андух……… каби очиқ -ойдин нарса ва инсон хаётининг одатий ва табиий ходисасидур, бу дунёда шодликка эхтиёжи бўлмайдиган хеч ким топилмайди.
(давоми бор……….)
