دارُ الاِسلامدَگِی رَهبَرِیَت.
(4-قیسم)
اَهلِی سُنَّتنِی وَ تَشَیُّوعنِی آرَسِیدَگِی مَوجُود مُنافِقلَر توُدَه سِی حوُددِی “آلتِیتَه لِیک آشکار کافِرلَرگه” اوُحشَب “وِلایَتِی مُجتَهِد”گه هَم وَ “وِلایَتِی فَقِیه” گه هَم اِعتِقاد قِیلِیشمَیدِی، اَمّا اَهلِی سُنَّتنِی پَناهِیدَه توُرِیب آلِیب “وِلایَتِی فَقِیه” گه هُجُوم قِیلِیشَدِی وَ تَشَیّوُعنِی پَناهِیدَه توُرِیب “وِلایَتِی مُجتَهِد” گه هُجُوم قِیلِیشَدِی.
بِیرِینچِیدَن مَنَه بُو مَفهُومنِی شِیعَه لَرنِی آرَسِیدَگِی تَرِیخِی اوُتمِیشِی تَرِیخدَگِی اوُتگن عَصرلَرگه بارِیب تَقَلَدِی، مَنَه بُو عَصردَه وُجُودگه کِیلتِیرِیلگن یَنگِی نَرسَه اِیمَس، اِیککِینچِیدَن “دارُ الاِسلام” دَگِی مَنَه بُو مُجتَهِد رَهبَرِیَتنِی، مُجتَهِد وَ عالِم والِینِی اِیلدِیزِی اِسلامنِی اَوَّلگِی عَصرلَرِیدَگِی قُرآن آیَتلَرِیدَه وَ اَهلِی سُنَّت دِیب مَعرُوف بُولگن فوُقَها لَرنِی اَثَرلَرِیدَه مَوجُود بُولگن:
اَلله تَعالَی طالوُتنِی حاکِیمِیَتِی وَ رَهبَرِیَتِی اوُچُون عِلمنِی جایگاهِی حَقِیدَه مَرحَمَت قِیلَدِیکِی: وَقَالَ لَهُمْ نَبِيُّهُمْ إِنَّ اللَّهَ قَدْ بَعَثَ لَكُمْ طَالُوتَ مَلِكًا ۚ.قَالُوا أَنَّىٰ يَكُونُ لَهُ الْمُلْكُ عَلَيْنَا وَنَحْنُ أَحَقُّ بِالْمُلْكِ مِنْهُ وَلَمْ يُؤْتَ سَعَةً مِّنَ الْمَالِ ۚ قَالَ إِنَّ اللَّهَ اصْطَفَاهُ عَلَيْكُمْ وَزَادَهُ بَسْطَةً فِي الْعِلْمِ وَالْجِسْمِ ۖ وَاللَّهُ يُؤْتِي مُلْكَهُ مَن يَشَاءُ ۚ وَاللَّهُ وَاسِعٌ عَلِيمٌ (بقره/247) پَیغَمبَرلَرِی اوُلَرگه اَیتَدِی: “اَلبَتَّه اَلله سِیزلَرگه طالوُتنِی پادشاه قِیلِیب تَعیِینلَدِی.” “اوُ قَیاقدَن بِیزگه پادشاهلِیک قِیلسِین، اَخِیر بِیز پادشاهلِیککَه اوُندَن حَقلِیراقمِیز- کوُ، قالَوِیرسَه، اوُنگه کِینگ – کَتتَه مال – دَولَت عَطا قِیلِینمَگن بُولسَه،” دِییِیشَدِی. پَیغَمبَر اَیتَدِی:” اَلبَتَّه اَلله اوُنِی سِیزلَرنِینگ اوُستِینگِیزگه سَیلَدِی وَ اوُنگه عِلمدَه وَ جِسمدَه قُوَّتنِی زِیادَه قِیلدِی. اَلله مُلکِینِی اوُزِی اِیستَگن کِیشِیگه بِیرَدِی.” اَلله (فَضلوُ کَرَمِی) کِینگ، بِیلگوُچِیدِیر.
اَلله تَعالَی یَنَه سُلَیمان حَقِیدَه مَرحَمَت قِیلَدِیکِی: وَشَدَدْنَا مُلْكَهُ وَآتَيْنَاهُ الْحِكْمَةَ وَفَصْلَ الْخِطَابِ (ص/20) وَ بِیز اوُنِینگ موُلکوُ دَولَتِینِی کوُچلِی- قُوَّتلِی قِیلدِیک وَ اوُنگه حِکمَت هَمدَه اَنِیق- رَوشَن خِطاب (زَبانِی گوُیا) عَطا اِیتتِیک.
رَسُول الله صَلّی الله عَلَیهِ وَسَلّم هَم مَرحَمَت قِیلَدِیلَرکِی: يَؤُمُّ الْقَوْمَ أَقْرَؤهُمْ لِكتَابِ اللَّهِ، سِیزلَردَن اِینگ یَحشِی قُرآننِی بِیلگنِینگِیز جَماعَتگه اِمام بُولسِین، فَإِنْ كَانُوا في الْقِراءَةِ سَواءً، فَأَعْلَمُهُمْ بِالسُّنَّةِ، اَگر اوُلَرنِی هَمَّه سِی قِرائَتدَه بَرابَر بُولِیشسَه، رَسُول الله صلی الله علیه وَسَلَّمنِی سُنَّتلَرِیگه عالِمراق بُولگنِی اِمام بُولسِین، فَإِنْ كَانُوا في السُّنَّةِ سَوَاءً، فَأَقْدمُهُمْ هِجْرَةً، وَ اَگر سُنَّتدَه هَم بَرابَر بُولِیشسَه، اوُلَرنِینگ هِجرَتدَه مُقَدّمراغِی اِمام بُولسِین، فَإِنْ كانُوا في الهِجْرَةِ سَوَاءً، فَأَقْدَمُهُمْ سِنّاً اَگر سُنَّتدَه هَم بَرابَر بُولِیشسَه اوُلَرنِی یاشِی کَتتَه راغِی اِمام بُولسِین، وَلا يُؤمَّنَّ الرَّجُلُ الرَّجُلَ في سُلْطَانِهِ، وَلا يَقْعُدُ في بيْتِهِ على تَكْرِمَتِهِ إِلاَّ بِإِذْنِهِ[1] کِیشِی باشقَه شَخصنِی اِیختِیارِیدَگِی مَکاندَه اِماملِیک قِیلمَسِین وَ اوُنِی اوُیِیدَه هَم اوُنگه حُرمَت سَبَبلِی، رُحصَتِیسِیز اوُتِیرمَسِین.
صَحابَه لَرنِی دَورِیدَه «الأَقرأ»، قُرآننِی اِینگ یَحشِی قِرائَت قِیلوُچِیسِی دِیگنِی، قُرآن بُویِیچَه اِینگ عالِمِی، فَقِیهِی بُولِیشدَن عِبارَت اِیدِی. شوُنِینگدِیک اَبُو عَبدُالرَّحمَن سُلَمِی وَ باشقَه لَردَن رِوایَت قِیلِینِیشِیچَه، صَحابَه لَر اوُن آیَتنِی اوُقِیب اوُرگنِیب اوُنگه توُلِیق عَمَل قِیلمَگوُنلَرِیچَه کِییِینگِی اوُن آیَتنِی کِیتِیدَن بارِیشمَسدِی، اِبنِ عُمَر رَضِیَ الله عَنهُ دِیک کِیشِی بَقَرَه سُورَه سِینِی 8 یِیل اوُقِیب اوُرگنگن، عُمَر اِبنِ خِطّاب رَضِیَ الله عَنهُ بَقَرَه سُورَه سِیدَه 10 یِیل قالگن. صَحابَه لَر آیَتلَرنِی مَعناسِینِی اوُرگنِیشَردِی وَ اوُنِی فِکرلَش وَ فَهملَش بِیلَن تَعلِیم آلِیشَردِی، شُو سَبَبلِی هَم اوُلَرنِی اَیتِیشِیچَه، بِیزلَرنِی آرَمِیزدَه بَقَرَه وَ آلِی عِمران سُورَه سِینِی اوُقِیب اوُرگنِیب توُگتگن کِیشِی اِینگ یوُقارِی جایگاهنِی اِیگللَردِی.
(دوامی بار…..)
[1]مسلم 673
