علوی شیعه لرینینگ جریانیگه نسبتاً غولّاتنی نفوذی
خالد هورامی
علوی شیعه لرینینگ حرکتی اوموی شیعه لرینی حرکتیگه نسبتاً پرلیل رویشدگی بیر جریان بولیب، اولر اسلامی شوراگه اساسلنگن حکومتنی و اونی مؤسّسه لرینی قیتریش و سلطنتگه اساسلنگن حکومتلرگه قرشی مبارزه قیلیشردی.
بو حرکتلرنی عقیده سینی اساسی، امام علی علیه السلامگچه بولگن دورده مسلمانلرنینگ اورتسیده رواج تاپگن شریعت اوصول لریگه کوره بولگن،امام علی و اوکیشیدن کیینگی ائمّه لرنی دوریده هم عمل لرنی رویشی و یوقاریدگیلرنی سوزیگه اساسلنگن حالده دوام ایتدی.
پیغمبر و قرآنّی منهجینی ثابت قیلیشیچه، اسلامنی مستحکملش و اونی ثباتی یالغان- توقیمه لرگه،همده اونی پایدیوارینی یالغان،تعصّب،دشنام،بیهوده سوزلرگه ایحتیاجی بولگن ایمس. عموماً ایتگنده قرآن و پیغمبرنی سنّتی صحیحده شیطان و اونی یارانلریگه نسبتاً حتّی بیر یالغان و توحمت هم تاپه آلمیمیز.
علی شیعه لری هم اوزلرینی منه بو منهجنی دوام ایتّیروچیلری دیب حسابلشگن، بو منهجده مستحکم توریش بیلن بیر قطارده موراسه قیلوچی و دوستلی یولی صیفتیده، اوزینی مخالفلریگه نسبتاً صبر- طاقتلی، مستقیل بیر ماهیت تشکیل قیلیشگه حرکت قیلیشگن. منه بو یونلیشلرنی رعایت قیلگن حالده علی شیعه لری بوتون تریخ دوامیده کوچ ایشلتیشگه قرشی چیقیشنی و باطلگه قرشی مبارزه نی، چوقور علمی تدبّورلر قیلیشنی، طبیعت جهانیده و ایچکی دنیاده و الاهی آیتلردگی معرفتنی، حکومتنی اسلامی رویشگه قیتریشگه حرکت قیلیشنی رمزی حسابلنگن.
شبهه سیز منه بو یونلیش اشکار کافرلر ( اهلی کتاب، شبه اهلی کتاب و مشرکلر) و یشیرین (منافقلر) اوچون نهایتده جدّی حطر حسابلنگن، چونکی اولر بو یونلیش بوییچه اوزلری هاحلگن قدرتنی قولدن بای بیریشردی.
شو سببلی هم ضربه اوریش و بوندی هدفنی رویابگه چیقیشیگه قرشیلیک قیلیش و عوام حلقنی بوندی یرمس اندیشه لرگه مبتلا بولیشدن قیتریش، حاکمیتلرنی نابود قیلدیگن دیارلرنی فتح قیلوچیلردن قصاص آلیش اوچون،آشکار و یشیرین کافرلر پرلیل رویشدگی حرکتلرنی وجودگه کیلتیریشدی، تریخده بو حرکتلر غولّات (ایچکی یشیرین کافرلر) نامی بیلن مشهور بولگن و منافقلر بو جریانّی بیراقدارلری بولیشدی.
بونگه قوشیمچه رویشده کافر دشمنلر و مسلمانلرگه حاکم بولگن ظالم حکومتلر ههم منه بو جریانلرگه ضربه ییتکزیش اوچون هر قندی روحی جنگلرنی یولگه قوییشدی. اولر هر قندی علی و حسینگه اوحشب اسلامنی توشونگن کیشیلر، هر دائم ضربه ییب خارلیکگه طاقت قیلمسلیگینی درک قیلیشگن ایدی، اخیر بوندی آزادلیکنی، عدالتنی طرفداری بولگن جسور کیشیلرنی اوستیده حکومت اورنتیشنی علاجی بارمی؟
غولّات هم اگرده حکومت اسلامی رویشگه قیتدیگن بولسه، مسلمانلرنی ینگیدن قدرت و وحدتگه ایریشیشلرینی و علی ابن ابو طالب و عمر ابن فاروق و ابو بکر صدّیقگه اوحشش کیشیلرنی وجودگه کیلیشینی و بو اولرنی منفعتیگه توغری کیلمسلیگینی یحشی توشونیشگن ایدی. چونکی اولر اوزلرینی تجریبه لری آرقلی بوندی حکومتنی قیتیب کیلیشی، اولرگه قنچه لیک چیکلاو،خارلیک،ضرر کیلتیریشینی تاتیب کوریشگندی.
اولر الله تعالینی قوییدگیچه مرحمت قیلگنینی بیلیشردی:
تِلۡكَ أُمَّةٞ قَدۡ خَلَتۡۖ لَهَا مَا كَسَبَتۡ وَلَكُم مَّا كَسَبۡتُمۡۖ وَلَا تُسَۡٔلُونَ عَمَّا كَانُواْ يَعۡمَلُونَ (بقرة/ 141)
“اولر اوتیب کیتگن کیشیلردیر. اولرنینگ قیلگن عمل لری اوزلری اوچون، سیزلرنینگ قیلگن عملینگیز اوزینگیز اوچوندیر و سیزلر اولر قیلگن عمل لر اوچون مسؤل بولمیسیز.”
اولر قرآنده پیغمبرلرنینگ جونتیلیشیدن بولگن هدفلرنی بیری، انسانلرنینگ آرسیدگی اختلافلرنی حل قیلیش دییلگنیدن هم خبرلری بار ایدی. رسول الله صلی الله علیه وسلم هم عرب ملّتینی، حتّی باشقه ملّتلرنی اورتسیدگی تفرقه نی وحدتگه ایلنتیره آلگن ایدی. امام علی رضی الله عنه اوزینی رسول الله صلی الله علیه وسلمنی اورینباسرلری بولیشگه اینگ یحشی نماینده ایکنینی بیلردی، او کیشی اوزینی حلافتگه مناسب شخص ایکنینی بیر نیچه مرته اعلان قیلگن، لیکن شخصی مصلحت اوچون جمیعیتنی وحدتینی خطرگه قوییشنی هاحلمدی، حتّی حلیفه لرگه هم اسلامی جمیعتنی وحدتی و اقتدارینی سقلب قالیش بارسیده یاردم بیردی و بوتون کوچینی وحدتنی رویابگه آشیریش یولیده صرفلدی. بوندن کیلیب چیقدیکی، علی ابن ابی طالب رضی الله عنه نی سیاسی و عملی سیرتی بوییچه، قندن قیلیب شخصی مصلحتلردن یوز اوگیرگن حالده وحدتنی سقلب قالیشلیکنی تعلیم السه بولدی. منه بو مهم وحدتنی درک قیلیش مسلمانلرنی اقتداری اوچون اینگ افضل و توغری یولدیر.
اگر علی ابن ابی طالبنینگ عملیدگی واقیعیتنی مسلمانلر توشونیب ییتدیگن بولسه ، بو نرسه غولّاتلرنی نابود بولیشی اوچون هلاک قیلوچی ذهر حسابلندی. شونینگ اوچون هم غولّات، امامی علینی رسول الله صلی الله علیه وسلمنینگ بعضی اصحابلری بیلن آرلریده بولگن و بوندن 1400 ییل آلدین بولیب اوتیب کیتگن…….بیر آزگینه اختلافینی قیته تیریلتیریش آرقلی مسلمانلرنی بیر- بیریگه قرشی قیلیب قوییشگه ایریشدی. بوندن کیلیب چیقدیکی، (بوگونگی کوندگی انگلیز شیعه لری نامی بیلن تنیلگن کیمسه لر) مسلمانلرنی اورتسیدگی وحدتگه و اولرنی ینه ینگیدن قدرتگه کیلیشیگه و اسلامی شوراگه اساسلنگن حکومتنی تشکیل بولیشیگه قرشی توسیق بولیشی اوچون، مخلوقاتلرنی حقّی او یاقده تورسینف الله نی و رسولینی حقّیگه هم هر قندی یالغان و فتنه نی آرتیشدن تاییشمیدی. چونکی اولر بو بیلن مسلمانلرنی وحدتینی یوقاتیب، بیر یاقدن باش چیقردیگن اسلامی حکومتنی تشکیل قیلیش یولیده، مسلمانلرنی شان- شرفی و عزّتینی قیتریشده اساسی توسیق بولیشنی هاحلشدی.
شوندی بولگچ منه بو تفرقه سالوچی انسانلرنی اخماق و بیلیمسیز کیشیلر دیب فرض قیلمسلیک لازم، بلکی اولر ایچکریدن مسلمانلرنی جسمینی ضعیفلشتیردیگن هلاک قیلوچی کسلّیک بولیشدی، حتّی اولر جاهل مسلمانلرنی هم اوزلرینی هدفلری یولیده ایشلتیشدی.
