(3- قیسم)
شُوندَی قیلیب عِراقدَگی مَذهَبِی شیعه لَر سِکولار شیعه لَرگه اَلدَنیشَدِی و جُوده کوُپ سُنِّی مَذهَبِیدَگِی کوُچمَنچِی بَدَوِیلَر هَم سکولاریزم دِکتَتارلِیگی قولیده بیر اَبزارگه اَیلَنیشَدِی، بُولیب هَم بُو بَدَوِیلَر اِسلامِی سُنِّی یاکی شِیعَه لَرنی اَحکاملَریگه اِعتِقاد قیلیشمَسدِی. لِیکن شوُنگه قَرَمَسدَن مَنه بُو پَیتده شیعه لَرنینگ گوُرُوهلَرِی اَهلی سُنَّتنینگ گوُرُوهلَرِی بیلَن بِیرگه مُتَّحِد بُولِیب اَلدَنگن شِیعَه و سُنِّیلَرگه قَرشِی جَنگ آلِیب باریشَردِی.
اَصلینی آلگندَه سُنِّی مَذهَبِیدَگی اَلقائِده و شیعه مَذهَبیدَگِی اَهلِی حَقنینگ اوُلَر بیلَن جَنگ قِیلِیشینی سَبَبِی مَذهَب سَبَبلِی اِیمَسدِی، بَلکِی اوُلَرنینگ بَرچَه آسمانِی مَذهَبلَرگه قیلگن خِیانَتِی و بُوتُون جَهان سِکولاریزمِی، مَحَلِّی مُرتَدلَر بیلَن اِتِّحاد تُوزِیب بِیرلَشگنلِیگی بائِث بُولگن اِیدِی. حَقیقَتده هَم مَنه بُو بِیفایده، اَدَشتِیرُوچِی مَذهَبِی جَنگنِی باشلاوچِیلَرِی سُنِّی و شیعه مَذهَبیدَگِی مُجاهِدلَر اِیمَس، بَلکِی سِکولارلَر تامانِیدَن اَلدَنگن شِیعَه لَر بُولِیشگن.
شِیعَه مَذهَبیدَگی ساتقِین گوُرُوهلَر اَهلِی سُنَّتنینگ اِینستِیتُوتلَردَگی اوُستازلَرِی، دانیشمَندلَرِی، دِینِی اولامالَرینی کوُپِینِی اولدِیرِیشدِی، مِینگلَب قَرِی- یاشلَرنِی قانگه بِیلَب کِیتِیشَدِی و اَهلِی سُنَّتنِی مِینگلَب قِیز- عَیاللَریگه تَجاوُز قِیلیشَدِی، هَمده مِینگلب اِنسانلَرنِی اوغِیرلَب کِیتیشَدِی. مَنَه بُو اوغیرلَنگنلَر قَیسِی زِندانلَردَه اِیکَنِی حاضِردَه هَم اَنِیقلَنگن اِیمَس، جُودَه کوُپ دوُکانلَر، اویلَرنِی یاندِیرِیب مِینگلَب آدَملَرنِی آواره قیلیب تَشلَشَدِی. اوُلَر نَماز اوقِییاتگنلَر، مَکتَب اوقوُچِیلَرِی، گوجوُم بُولگن بازارلَرده بامبه لَر پارتلَتِیب، هَر سَفَر بُو اِیشلَرِینِی سُنِّی یا شِیعَه مَذهَبیدَگِی گوُرُوهلَرگه نِسبَتلَشَردِی. بازارده یَسَمَه ساقال بیلَن بامبه اورنَتَیاتگن اِنگلِیز عَسکَرلَرِی اَسیرگه آلِینگندَه هَمَّه نَرسَه آشکار بُولَدِی. اَمّا هَمَّه جاینی قاپلَب آلگن فِتنَه نِی عُمُومِی آدَملَرگه تأثِیرِی کوُپراق اِیدِی…….
بُولَرگه قوُشِیمچَه رَوِیشدَه، سِکولار و مَحَلِّی مُرتَدلَرنی تامانیدَن اَلدَنگن مَنه بُو کِیمسَه لَر اَهلِی سُنَّتنِی عالِملَرِی، دانِشمَندلَریگه ، مَسجِدلَرِیگه هَم رَحم قیلیشمَیدِی. اوُلَر باغدادگه کیریب کِیلِیشگن وَقتده یاق 30 دَن آرتِیق مَسجِدنِی اِشغال قیلیب آلِیشَدِی، بَصرَه، عَمّارَه، اَلسماوه، ناصِرِیَه ده هَم جُوده کوُپ مَسجِدلَرنی اِیگللَب آلیِشَدِی و الحلّه شَهرِیدَه اَهلِی سُنَّت اوُچُون حَتّی بیر دانه مَسجِدنِی هَم قالدیریشمَیدِی و ……اوُلَر عِراقدَگی اَهلِی سُنَّت اوُچُون دُنیا رَوِیشِی بُویِیچَه واقِیعِی بِیر جَهَنَّمنِی وُجُودگه کِیلتِیرگن اِیدِیلَر.
سِکولار باشقینچِیلَر و ساتقینلَرنِی آلِیب بارگن فِتنه لَریِ سَبَبلِی شیعه و سُنّیلَرنی اورتَسیده جَنگ باشلَنَدِی، آدَملَر فَقَطگینَه اِسملَرِی اَبُو بَکر، عُمَر، خالِد، عُثمان و …….بولگنی بائِث اوُلدِیرِیلر اِیدی. فِتنه شُو دَرَجَه ده کِینگیِیب، تَرقَلِیب دَهشَتلِی بُولیب کِیتگن اِیدِیکِی، جُودَه کوُپ جَماعَتلَرنی اوُزِینِی کامِیگه تارتیب کِیتَدِی،حَتّی اَوَّلدَن تَجرِیبَه گه اِیگه بُولگن حِزبلَرنی هَم قولیدَن هِیچ نَرسَه کِیلمَی قالَدِی.
(دَوامِی بار……)
