اِسلامِی حُکوُمَتنِی تَشکِیل قِیلِینِیشِیگه حُجَّت بارمِی؟ اَگر بُولسَه نِیمَه گه کوُرمَگنلِیکگه آلِینَدِی؟ جِهادِی تَشکِیلاتلَر مَنَه بُو سُوزلَرگه قَنچَه لِیک هَمجِهَت بُولِیشگن؟ (6)
………اَلله تَعالی مَرحَمَت قِیلگن پَیتِدَه: وَ مَا اَرْسَلنا مِنْ رَسُولٍ اِلا لِیُطاعَ بِاِذْنِ اللهِ . ( نساء/ 64)
بِیز قَی بِیر پَیغَمبَرنِی یُوبارگن بُولسَک، فَقَط اَلله نِینگ عِذنِی- اِرادَه سِی بِیلَن اوُنگه اِطاعَت قِیلِینسِین، دِیب یُوبارگنمِیز.
قُرآنِی کَرِیمنِی اوُقِیگن پَیتِیمِیزدَه: اَلَّذینَ اِنْ مَکَّناهُمْ فِی الارْضِ اَقامُو الصَّلوهَ وَ اتُو الزَّکاهَ وَ اَمَرُو بِالْمَعرُوفِ وَ نَهَوا عَنِ الْمُنکَرِ. ( حج/ 41) اوُلَرنِی (یَعنِی مُسُلمانلَرنِی) اَگر یِیر یُوزِیگه غالِب قِیلسَک- اوُلَر نَمازنِی توُکِیس عَدا اِیتَدِیلَر، زَکاتنِی (حَقدارلَرگه) عَطا اِیتَدِیلَر، یَحشِیلِیکگه بُویُورَدِیلَر، یامانلِیکدَن قَیتَرَه دِیلَر.
مَنَه بُو اِیشلَرگه دِینِی وَ اِسلامِی حُکوُمَتنِی تَشکِیل قِیلمَسدَن توُرِیب مُیَسَّر بُولسَه بُولَدِیمِی؟ اَگر (مَکّنّا) سُوزِینِی تَعبِیرِی هَر قَندَی قُدرَتنِی بِیرِیشنِی بِیلدِیرسَه، آیَت دَلالَت قِیلَیاتگن نَرسَه آچِیق- رَوشَندِیر؛ چُونکِی حُکوُمَت قُدرَتنِینگ اِینگ کوُزگه کوُرِینگن مِثالِی بُولَه آلَدِی.
قُرآنِی کَرِیمدَه جُودَه کوُپ آیَتلَر مَوجُودکِی، بُو آیَتلَردَگِی اِیماندَن مَقصَد اِلاهِی رَهبَرگه اِطاعَت قِیلِیش، اوُنگه اِیرگشِیش وَ خُدانِی حُکوُمَتِیگه بُویسِینِیشدِیر، اِیمان کِیلتِیرِیش فَقَطگِینَه اِسلام دِینِینِی اوُصُوللَرِیگه اِقرار بُولِیش وَ اَحکاملَرنِی قَبُول قِیلِیشنِی اِعلان قِیلِیشنِی تَشکِیل قِیلمَیدِی اوُلَر قوُیِیدَگِی آیَتلَردِیر.
وَاذْكُرُوا نِعْمَةَ اللَّهِ عَلَيْكُمْ وَمِيثَاقَهُ الَّذِي وَاثَقَكُمْ بِهِ إِذْ قُلْتُمْ سَمِعْنَا وَأَطَعْنَا. ( مائده/7)
اَلله نِینگ سِیزلَرگه بِیرگن نِعمَتِینِی وَ: “اِیشِیتدِیک وَ اِطاعَت قِیلدِیک”، دِیگن پَیتِینگِیزدَه سِیزلَر بِیلَن باغلَگن عَهد- پَیمانِینِی اِیسلَنگِیز!
«وَيَقُولُونَ آمَنَّا بِاللَّهِ وَبِالرَّسُولِ وَأَطَعْنَا ثُمَّ يَتَوَلَّى فَرِيقٌ مِنْهُمْ مِنْ بَعْدِ ذَلِكَ وَمَا أُولَئِكَ بِالْمُؤْمِنِينَ». (نور/47)
اوُلَر(یَعنِی مُنافِقلَر):”اَلله گه وَ پَیغَمبَرگه اِیمان کِیلتِیردِیک وَ بوُیسِیندِیک”، دِییدِیلَرُو، شُوندَن کِییِین اوُلَردَن بُولگن بِیر گوُرُوه یُوز اوُگِیرِیب کِیتوُر. اوُلَر مُؤمِن اِیمَسدِیرلَر.
مَنَه بُو آیَتلَردَن تَشقَرِی بِیر مُسُلمان اِنساننِی اِیمانِی وَ اِسلامِینِی آخِیرگِی پَیغَمبَر صلی الله علیه وسلمنِی حُکوُمَتِینِی قَبُول قِیلِیشگه باغلِیق قِیلِیب قوُیَه دِی، بُونگه مِثال اَلله تَعالی مَرحَمَت قِیلَدِیکِی: فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا. (نساء/65)
یُوق،پَروَردِیگارِینگِیزگه قَسَمکِی، تا اوُلَر اوُز اوُرتَلَرِیدَه چِیقگن کِیلِیشماوچِیلِیکلَردَه سِیزنِی حَکَم قِیلمَگوُنلَرِیچَه وَ کِییِین سِیز چِیقَرگن حُکمدَن دِیللَرِیدَه هِیچ قَندَی تَنگلِیک تاپمَی، توُلَه تَسلِیم بُولمَگوُنلَرِیچَه- بوُیسِینمَگوُنلَرِیچَه زِینهار مُؤمِن بُولَه آلمَیدِیلَر.
بُو یِیردَگِی « فِيمَا شَجَرَ بَيْنَهُمْ » نِی مَعناسِی شوُکِی، بُو سُوز هَم شَخصِی، خُصُوصِی مَسَلَه لَرنِی اوُز اِیچِیگه آلَدِی وَ هَم اِجتِمائِی مَسَلَه لَرگه هَم شامِیل بُولَدِی.
