سَوال: نِیمَه اوُچُون اِیران یا طالِبان وَ اِسلامِی حُکوُمَتلَرگه اِطاعَت قِیلِیش واجِب بوُلَدِی؟ اَصلِیدَه اِیسَه اِسلام دِینِی حُکوُمَت قوُرُوچِی اِیمَس، بَلکِی اِنساننِی قوُرُوچِی دِین اِیمَسمِی؟
جَواب: اَگر بِیر شَخص اِسلام حُکوُمَت قوُرُوچِی اِیمَس،بَلکِی اِنساننِی قوُرُوچِی دِین، دِیب اِدَّعا قِیلَیاتگن بُولسَه، « البینه علی المدعی و الیمین علی من انکر» قائِدَه سِیگه بِینائاً اوُزِینِی اِدَّعاسِینِی دَلِیل، حُجَّت بِیلَن اِثبات قِیلِیشِی لازِم، اَگر شوُندَی قِیلِیشگه مُوَفَّق بُولمَسَه، بُو شَخص توُحمَت قِیلِیش، یالغان اَیتِیش جِنایَتِینِی قِیلگن بُولَدِی.
بُو یِیردَگِی اَصلِی واقِیعیَت شوُکِی، مَنَه بُو شُبهَه نِی تَکرارلَیاتگن کِیمسَه لَر یِوراپَه سِکولارِیستلَرِینِینگ نَصرانِیَت حَقِیدَه اَیتگن سُوزلَرِینِی تَرجِیمَه قِیلِیب آلِیب، تِیکشِیرِیب کوُرمَسدَن طوُطِیدِیک تَکرارلَشیَپتِی.
اَگر نَصرانِیَت جَمِیعَتنِی اِیشلَرِینِی اِدارَه قِیلِیش وَ حُکوُمَت مَسَلَه لَرِی اوُچُون قانوُنلَرگه اِیگه بُولمَسَه وَ اوُزگرتِیرِیب تَشلَنگن بُولسَه، اِسلام دِینِی اِیچکِی، فِکرِی، عَقِیدَه وِی اِیشلَر اوُچُون پراگرَمَّه لَر، قانوُنلَرگه اِیگه، بِیرِینچِی بوُلِیب شَخصلَرنِی اِیمانِینِی وَ شَخصلَرنِی اِیچکِی، شَخصِی اِیشلَرِیگه دِقَّت قِیلَدِی. مَنَه بُولَرنِی یانِیدَه جَمِیعَتنِی اِیشلَرِینِی، حُکوُمَت مَسَلَه لَرِینِی، مِلَّتلَراَرا عَلاقَه لَرنِی اِدارَه قِیلِیش اوُچُون هَم مُشَخَّص قانوُنلَر، پراگرَمَّه لَر مَوجُود بوُلِیب، اوُلَر جَمِیعَتدَه اِجرا قِیلِیش قُدرَتِی تامانِیدَن عَمَلگه آشِیرِیلَدِی؛ بوُتُون دُنیا بُویِیچَه قانُون وَ پراگرَمَّه لَرنِی اِجرا قِیلوُچِی قُدرَتگه حُکوُمَت، دِییِیلَدِی.
مِثال طَرِیقَه سِیدَه اَلله تَعالَینِی کَلامِینِی کِیلتِیرَمِیز: الزانیة و الزانی فاجلدوا کل واحد منهما مائة جلدة و لا تاخذکم بهما رافة فی دین الله ان کنتم تؤمنون بالله و الیوم الآخر و لیشهد عذابهما طائفة من المؤمنین (نور/2)
زِناکار عَیال وَ زِناکار اِیرکَک – اوُلَردَن هَر بِیرِینِی یوُز دَررَه دَن اوُرِینگلَر. اَگر سِیزلَر اَلله گه وَ آخِیرَت کوُنِیگه اِیمان کِیلتِیرُوچِی بُولسَنگِیزلَر اَلله نِینگ ( بُو) حُکمِیدَه (یَعنِی زِناکارلَرنِی دَررَه لَشدَه) سِیزلَرنِی اوُلَرگه نِسبَتاً رَحم- شَفقَت (توُیغوُلَرِی) توُتمَسِین! اوُلَرنِینگ عَذابلَنِیشِیگه بِیر طائِفَه مُؤمِنلَر گواه بُولسِینلَر!
و السارق و السارقة فاقطعوا ایدیهما جزاء بما کسبا نکالا من الله و الله عزیز حکیم (مائده/38)
اوُغرِی اِیرکَکنِی هَم، اوُغرِی عَیالنِی هَم قِیلمِیشلَرِیگه جَزا بُولسِین اوُچُون، اَلله تامانِیدَن عَذاب بُولسِین اوُچُون قوُللَرِینِی کِیسِینگلَر! اَلله قُدرَت وَ حِکمَت اِیگه سِیدِیر.
و الذین یرمون المحصنات ثم لم یاتوا باربعة شهداء فاجلدوهم ثمانین جلدة و لا تقبلوا لهم شهادة ابدا و اولئک هم الفاسقون (نور/4)
پاکِیزَه عَیاللَرنِی (زِناکار) دِیب بَدنام قِیلِیب، سُونگرَه (بُو دَعوالَرِیگه) توُرتتَه گُواه کِیلتِیرَه آلمَگن کِیمسَه لَر(نِی) – اوُلَرنِی سَکسان دَررَه اوُرِینگلَر وَ هِیچ قَچان اوُلَرنِینگ گُواهلِیکلَرِینِی قَبُول قِیلمَنگلَر! اوُلَر فاسِق- اِطاعَتسِیز کِیمسَه لَردِیر.
انما جزاء الذین یحاربون الله و رسوله و یسعون فی الارض فسادا ان یقتلوا او یصلبوا او تقطع ایدیهم و ارجلهم من خلاف او ینفوا من الارض ذلک لهم خزی فی الدنیا و لهم فی الآخرة عذاب عظیم (مائده/33)
اَلبَتَّه، اَلله وَ پَیغَمبَرِیگه قَرشِی اوُرُوشَدِیگن وَ یِیردَه بُوزغُونچِیلِیک قِیلِیش حَرَکَتِیدَه یوُرَدِیگن کِیمسَه لَرنِینگ جَزاسِی- اوُلدِیرِیلِیش یا دارگه آسِیلِیش، یاکِی آیاق- قوُللَرِینِی تِیسکَرِیسِیگه ( یَعنِی اوُنگ قوُل وَ چَپ آیاق یاکِی چَپ قوُل بِیلَن اوُنگ آیاق) کِیسِیلِیشِی، یاهوُد اوُز یِیرلَرِیدَن سُورگوُن قِیلِینِیشلَرِیدِیر. بُو جَزا اوُلَر اوُچُون بُو دُنیادَه رَسوالِیک- شَرمَندَلِیک بوُلوُر. آخِیرَتدَه اِیسَه اوُلَر اوُچُون اوُلوُغ عَذاب باردِیر.
یاکِی مَشرُوبخُور، هِمجِنسباز، مُرتَد کِیمسَه لَرگه تَأیِینلَنگن حُدُودلَر هَم شوُلَر جُملَه سِیدَندِیر………
یاکِی اِقتِصادِی مَسَلَه لَر حَقِیدَه اَلله تَعالی مَرحَمَت قِیلَدِیکِی: خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ بِهَا وَصَلِّ عَلَيْهِمْ ۖ (توبه/103) (اِی مُحَمَّد)، سِیز اوُلَرنِینگ ماللَرِیدَن بِیر قِیسمِینِی اوُزلَرِینِی پاکلَب تازَلَیدِیگن صَدَقَه صِیفَتِیدَه آلِینگ وَ اوُلَرنِینگ حَقلَرِیگه دُعا قِیلِینگ.
مَنَه بُو اِیشلَرنِی، مَسَلَه لَرنِی بَرچَه سِینِی فَقَطگِینَه حُکوُمَت مَوجُود بُولگن تَقدِیردَه اِجرا قِیلِیشنِی اِمکانِی بار، اَگر مَنَه بُو قانوُنلَرنِی اِجرا قِیلَدِیگن حاکِمِیَت بوُلمَیدِیگن بُولسَه، اِسلامنِی جُودَه کَتتَه قِیسمِی بِیکار بُولِیب بِیر چِیتگه سُورِیب قوُیِیلَدِی وَ نَصرانِیَت، یَهُودِیَتگه اوُحشَش ناقِص، اوُزگَرتِیرِیلگن اِسلام آدَملَرگه قالَدِی حالاص.
شوُندَی بوُلگچ اِسلام هَم اِنساننِی قوُرُوچِی وَ هَم حُکوُمَتنِی قوُرُوچِی وَ اِسلامِی قانوُنلَرنِی اِجرا قِیلگوُچِی حِسابلَنَدِی وَ بُو حُکوُمَتنِی اِسلامِی حُکوُمَت دِییِیلَدِی وَ مُسُلمانلَر اِسلامِی قانُونلَرنِی اِجرا قِیلَدِیگن حُکوُمَتگه “اِطاعَت” قِیلِیشلَرِی لازِم. اَلبَتَّه هَر قَندَی حُکوُمَت اِسلامِی بُولَدِیمِی یا سِکوُلار ………اوُزِینِی قوُل آستِیدَگِی آدَملَرنِی اِطاعَت قِیلِیشِینِی هاحلَیدِی.