اَلله دَن تَقوا قِیلِیش اوُزِی نِیمَه؟ قَندَی قِیلِیب تَقوایِیمِیزنِی مِیزانِینِی بِیلسَک بوُلَدِی؟
(14 –قیسم)
مَنَه بُو یِیردَگِی “دُنیادَن وَ عَیاللَردَن پَرهِیز قِیلِینگلَر” دِییِیشلِیکدَن مَقصَد دُنیادَن وَ عَیاللَردَن چِیتلَنِیش وَ اوُزاقلَشِیش دِیگنِی اِیمَس، بَلکِی اوُندَن مَقصَد اَلله تَعالَی دُنیا وَ عَیاللَر حَقِیدَه قَندَی حُکملَر صادِر قِیلگن بوُلسَه، شُونگه مُوافِق عَمَل قِیلِیشِیمِیز لازِم. اَلله تَعالَی دُنیا حَقِیدَه یَحشِی دِیگن نَرسَه لَرنِی بِیز هَم یَحشِی دِییمِیز وَ اوُنگه عَمَل قِیلَمِیز، یامان دِیگن نَرسَه لَرِینِی هَم یامان دِییمِیز وَ اوُندَن اوُزاقلَشِیب چِیتلَنَمِیز. مَنَه بُو دُنیادَن پَرهِیز قِیلِیشدِیر.
مَنَه شُو تَرتِیبدَه عَیاللَر حَقِیدَه اَلله تَعالَی یَحشِی دِیب مَرحَمَت قِیلگن نَرسَه لَرنِی بِیز هَم یَحشِی دِییمِیز وَ اوُلَرگه عَمَل قِیلَمِیز، یامان دِیب مَرحَمَت قِیلگن نَرسَه لَرنِی بِیز هَم یامان دِییمِیز وَ اوُزاقلَشِیب چِیتلَنَمِیز، مَثَلاً اَلله تَعالی نِی شَرِیعَتِیدَگِی قانوُنلَرگه اِطاعَت قِیلمَسلِیککَه بائِث بوُلَدِیگن عَیاللَرگه اِطاعَت قِیلِیش یا نامَحرَملَرگه ضَرُورَتسِیز قَرَش، نامَحرَم بِیلَن ضَرُورَتسِیز صُحبَتلَشِیش، نامَحرَم بِیلَن حَقِیقِی یا مَجازِی حالَتدَه یالغِیز قالِیش، نامَحرَمگه قوُل بِیرِیش یا اوُنِی اوُشلَش یاکِی اَخلاقِی وَ جِنسِی فَسادلَرگه بائِث بوُلَدِیگن باشقَه حَراملَردَن چِیتلَنِیشِیمِیز وَ اوُزِیمِیزنِی عَیاللَر بارَسِیدَگِی حَلاللَر بِیلَن مُخافِظت قِیلِیشِیمِیزدِیر. مَنَه بُو عَیاللَردَن پَرهِیز قِیلِیش دِیگنِی بُولَدِی. نَفسدَه وُجُودگه کِیلگن وَ عَیاللَر تامانِیدَن اِیرکَک کِیشِیگه ضَرَر یِیتِیشِیگه یُول قوُیمَیدِیگن کوُچگه تَقوا دِییِیلَدِی. اَلبَتَّه نَفسدَه وُجُودگه کِیلِیب اِیرکَکلَر تامانِیدَن عَیاللَرگه ضَرَر یِیتِیشِیگه یوُل قوُیمَیدِیگن کوُچگه هَم تَقوا دِییِیلَدِی. چُونکِی بُو یِیردَه اِیرکَک کِیشِینِی مَسئُولِیَتِی آغِیرراق بوُلگنلِیگِی بائِث فَقَط اِیرکَک کِیشِینِی اِسمِی کِیلتِیرِیلگن، بوُلمَسَم تَقوا عُمُومِی صُورَتدَه نَفسگه تِیگِیشلِیدِیر، عَیال هَم اِیرکَک کِیشِیگه اوُحشَش نَفسگه وَ اوُزِیگه خاص مَسئُولِیَتلَرگه اِیگه دِیر.
کوُندَه لِیک اِیشلَردَه هَم مَثَلاً فَلانچِینِی طَعامدَن پَرهِیزِی بار، دِییِیشَدِی. بُو یِیردَگِی طَعامدَگِی پَرهِیز هَم طَعامدَن چِیتلَنِیش مَعناسِیدَه اِیمَس، بَلکِی بُو شَخص بَعضِی طَعاملَرنِی اِستِعمال قِیلِیب بَعضِیلَرِیدَن چِیتلَنِیشِی کِیرَک دِیگنِیدِیر. اِیندِی مَنَه بُو شَخص اوُزِینِی پَرهِیزِیدَه قَنچَه لِیک کوُپ حَرَکَت قِیلسَه، شوُنچَه لِیک اَهلِی تَقوا بُولَدِی وَ جِسمِیدَگِی سَلامَتلِیککَه هَم یَقِینراق بُولَدِی. مَنَه بُو یِیردَه هَم نَفسدَه وُجُودگه کِیلِیب آذِیق – آوقَتلَر تامانِیدَن جِسمگه ضَرَر یِیتِیشِیگه یُول قوُیمَیدِیگن کوُچگه تَقوا دِییِیلَدِی.
یاکِی فَلانچِینِی حَرَکَتدَه پَرهِیزِی بار، دِییِیشَدِی. بُو هَم هَمِیشَه حَرَکَتسِیز اوُتِیرِیش کِیرَک، دِیگنِی اِیمَس،بَلکِی داکتار اوُنگه فَلان حَرَکَتلَرنِی بَجَرمَسلِیککَه بُویُورگن وَ اوُنِی قِیلمَسلِیگِی کِیرَک. بُو شَخص اوُزِیگه یامان دِییِیلگن حَرَکَتدَن اوُزاقلَشسَه اوُ هَم اَهلِی تَقوا حِسابلَنَدِی وَ جِسمِینِی سَلامَتلِیگِی هَم کُوچَه یَدِی. بُو یِیردَه هَم نَفسدَه وُجُودگه کِیلِیب شَخصگه مَنَه بُو حَرَکَتلَرنِی قِیلِیشگه رُحصَت بِیرمَیدِیگن کوُچگه تَقوا دِییِیلَدِی.
دِیمَک طَعامدَن پَرهِیز قِیلِیش دِیگنِی هَمَّه آذِیق – آوقَتلَرنِی یِیمَسلِیگِی کِیرَک دِیگنِی اِیمَس، بَلکِی اوُنگه قَیسِی طَعامنِی یِییِیشِی وَ قَیسِینِیسِینِی یِیمَسلِیگِی مُشَخَّص قِیلِینگن بُولَدِی.
اِیندِی فَلانچِینِینگ حَرَکَتلَردَه پَرهِیزِی بار دِیگنِی هَم عُمُوماً حَرَکَت قِیلمَسلِیگِی کِیرَک، دِیگن مَعنادَه اِیمَس، اوُنگه هَم قَیسِی حَرَکَتلَرنِی قِیلِیشِی وَ قَیسِینِیسِینِی قِیلمَسلِیگِی تَعیِین قِیلِینگن بُولَدِی.
اَلله دَن پَرهِیز قِیلِیش کِیرَک، دِیگنِی هَم اَلله بَجَرِیشگه بوُیُورگن اِیشلَرنِی بَجَرِیشِینگ لازِم بُولَدِی وَ هِیچ کِیمگه هَم قوُلاق سالمَیسَن، نِیمَه اوُچُون؟ چوُنکیِ اِلله تَعالی مَرحَمَت قِیلَدِیکِی:
«وَإِیَّایَ فَاتَّقُونِ» (بقره/41) وَ فَقَط مِیندَن پَرهِیز قِیلِینگلَر؛ بُو یِیردَه اَلله تَعالی قَیسِی اِیشنِی قِیلِیشگه بُویُورگن بُولسَه قِیلَسَن وَ قَیسِینِیسِیدَن مَنع قِیلگن بوُلسَه قِیلمَیسَن، مَخلوُقاتلَرنِی هِیچ قَیسِینِیسِیگه قوُلاق سالمَیسَن. مَنَه بُو اَلله دَن پَرهِیز قِیلِیشدِیر.
(دوامی بار…..)
