جاهلیت. (4)
پَیغَمبَر یُوباریلیشیدَن آلدینگی جاهِلِیَتنی حُصُوصِیَتلری، بیلگیلری نیمه لر بُولگن؟ اونی قیسی عَلامَتلریدَن ته نیب آلسَک بُوله دی؟
عُمُومِی صُورَتده اَیتگنده، الله تعالی شَریعَتیده حَرام قیلگن نَرسَه لرنی هَمّه سی جاهِلیَتنی حُصُوصِیَتلری حِسابله نَدی. الله تعالی قانونیده، شَریعَتیده، قرآنیده حَرام قیلگن نرسه لر جاهِلیَتنی عَلامَتلری بُوله دی. مَنه بُونی صَحنه لریدَن بیری اسد ابن ضراره بیلن رسول الله صلی الله علیه وسلمنی اوُرته سیده بُولیب اوُتگن صُحبَتده کوُرینه دی. رسول الله صلی الله علیه وسلم آنعام سوره سینی 152-153 آیَتلرینی حُجّت قیلگن حالده اَیته دیلرکی:
قُلْ تَعَالَوْا أَتْلُ مَا حَرَّمَ رَبُّكُمْ عَلَيْكُمْ …
بُو آیَتنی دَوامیده الله تعالی اوُزی حَرام قیلگن نَرسه لرنی بیر قِسمِینی بَیان قیلیب بیرَدی. بُو اِیکّی آیَتنی کوُرسَتیب بیریشیچه، اَیتیب اوُتیلگن مَنفی قانونلر عَرَب جاهِلِیَتینی نِشانه لریدَن دیب حِسابلنگن.
فِکر و عَقیده لرده گی جاهِلِیَتنی و شَک، گوُمانگه اِیرگه شیشنی الله تعالی ظانّ الجاهلیّتی دِیگن نام بیلن ناملیدی، حُکم و قانون، بَشَر تامانیدَن اِیشلب چیقه ریلگن قانوُن و حُکملرگه اِیرگه شیش جاهِلِیَتینی اِیسه حُکمَ الجاهِلِیَّتی دیب ناملیدی. اوُزینی کوُز- کوُز قیلیب کورسَتیش و عَیالّر طبَقه سینی اَخلاقی و جِنسِی فساد یُولیده بیر اَبزار صِفتیده فایده له نیشنی تبَرُّجَ الجاهِلِیّتی دیب اَتیدی، آخِیریده اِیسه تعَصُّب، قیسَرلیک، اِیکّی آیاغِینی بیر اِیتیکگه تیقیب آلیش، قوُرَالنی کوُچی بیلن اوُزیده گی عَقیده نی باشقه لرگه مَجبُورلب یُوکلشنی اِیسه حَمِیّتَ الجاهِلِیّتی دِییدی.
