جاهلیت. (7)
اِسلامدَن آلدینگی قدِیمگی جاهِلِیَتده کیشیلر بیر نیچه آدَمنی ناحق قانینی توکیب قبیله لرارا،نَجاد پَرَستانه جَنگلرنی یُولگه قوُیگن و بُونی عاقیبَتیده بیر قنچه اِنسانلر،عائِله لر آواره بُولیب نابُود بُولردی. بُوگوُنگی کوُندَگی یَنگی جاهِلِیَتده اِیسه یَنگی سکولاریستلر و اوُلرنی نَوکَرلری بِیگوناه آدَملرنی باشیگه بامبه ته شلشینی عاقیبَتیده مِلِّیان لب آدَملرنی ییر بیلن یَکسان قیلیب ته شلشَدی.
اَوس و حَزرَج قبیله لری اِیسکی جاهِلِیَت دَوریده، بیر کیشینی اِیکِینزاریدَگی اوُتلرنینگ باشقه بیر کیشینی توُیه سی تامانیدَن پیهان قیلینیشی بَهانه سی بیلن 200 ییل دَوامیده اِیکّی قبیله بیر- بیرلرینی اوُلدیریشگن. مَنه بُو اوُزوُندَن- اوُزاق جَهالت دَوریده ییلیگه یُوزته اَطرافیده اِنسان قربان بُولگن بُولسه،بُوگونگی کوُندَگی زَمانَوِی سَمَلاتلرده بیتّه پَروَاز بیلن بیر نیچه مِینوُتنی اِیچیده بُونگه نِسبَتاً اوُن بَرابَر اِنسانلرنی او دُنیاگه جُونَتیب یُوباریشَدی. اِنصاف بیلن اَیتگنده اوُشه قبیله لراَرا اوُرُوشنی باشلنیشیگه سَبَب بُولگن دَلیل اَساسلیراق، مَعقوُلراق اِیدی، چُونکی اونده بیرینچی بُولیب اوُلدیریلگن آدَم، اوُزینی حَقّینی آلیشنی آرقسِیدَن قربان بُولگن. اِیندی حَلبچَه، باسنِیَه،حَرزگوین، اَیجزائِر،سُورِیَه،عِراق،اَفغانِستان،یَمَنّی بیگوناه آهالیسینی، اوُلردَن هَم یامانراغی فلستین،بیرمَه،مَرکزی اَفریکه مُسُلمانلرینی اوُلدیریش و عِراق و سُورِیه دَگی مَوجُود وَضِیعَت قیسی ناحَقلیکنی اوُندیریش آرقسِیدَن قیلینیاپتی؟
کِیینراق مَدینه دیب ناملنگن یَسربدَگی اَوس و حَزرَج قبیله لرینی تارتیشولرینی کوُرینیشی، بوُگونگی کوُندَگی نَجاد پَرَستلیکگه اَساسلنگن جَنگلرنی نِهایَتده کِیچکینه بیر مادِیلی حِسابلندی. بُوتوُن دُنیا سکولاریستلرینینگ بیرینچی و اِیکّینچی جَهان اوُرُوشی یاکی اولرنی مُسُلمان دِیارلریده آلیب بارگن جَنگلرینی اوُزی بیر فاجیعَه بُولیب، اوُنی اِسلامدَن آلدینگی جاهِلِیَت بیلن سالیشتیریب بُولمَیدی. بیرینچی و اِیکّینچی جَهان اوُرُوشی دَوریده توپراقگه قاریشتیریب ته شلنگن اِنسانلرنی سانی، بُوتوُن بَشَرِیَت تاریخی دَوامِیده اوُلدیریلگنلرنی سانیدَن کوُپراق بُوله دی. فقط یَپانیه نی حِراشیمه و نکازاکی شَهرلریده اَتام بامبَه سینی آستیده اوُلدیریلگن آدَملر اِیسه، بُوتوُن عَرَب جاهِلِیَتیده اوُلدیریلگن آدَملردَن کوُپراق بُولیب چیقه دی. اَمیریکه نی وِیتنَم دَگی آلیب بارگن جَنگلریدَن شُونچه ییلّر اوُتیشیگه قه رَمَسدَن ،بیگوناه آدَملرنی اوُستیگه ته شلنگن کِیمیاوِی بامبه لرنی تعثیریده حاضِرگه چه حِیلقتی ناقِص گودَکلر توُغیلیب کِیلیاپتی. اوُشه پَیتده بیر نیچه دَولت جَنگنی رَهبَرِیَتینی اَمیریکه نی قوُلیگه تاپشیرگن بُولیب، بُو اَنه اوُشه جِنایتچیلرنی قیلگن اِیشلرینی نتیجَسی حِسابلنَدی. حُودِّی شُونگه اوُحشَش حاضِرده هَم کوُپگینه دَولتلر بیرلشیب جَنگلرنی باشقه ریشنی اَمیریکه نی قوُلیگه تاپشیریب قوُییشگن.
عَرَب جاهِلِیَتیده بُوزُوق عَیالّر کِیشیلرنی اوُزلریگه جَلب قیلیش اوُچُون اویلریگه بَیراق اِیلیب قوُییشَردی! باشقه چه قیلیب اَیتگنده فاهیشه عَیالّرنی اوُیی حِسابله نَردی، بیزنی عَصریمیزدَگی یَنگی جاهِلِیَتده اِیسه آدَملر گزِیته لرده ،تِیلِویزیان کنلّریده،سپُوتنیکلرده،اِینتِرنِتنی مَجازی دُنیا سِیدگی مِینگلب سَیتلرده، اِجتِمائِی ترماقلرده……..مَنه بُو مَوضُودَگی تبلیغاتلر، مَقاله لرنی ترقتیشدِیکی، بُو نرسه بُوتُون بَشَرِیَت تاریخیده بیسابیقه بُولگن. شُوندَی بُولگچ کوُریب تورگنینگیزدیک حاضِرگی جاهِلِیَت مَنه بُو صاحه ده هَم اوُیلریگه بَیراق آسیب قوُیَدیگن عَیالّردَن کوُره اَنچه رِوَاجلنیب کِیتیشگن.
اِیسکی جاهِلِیَت عَصریده بَعضی قبیله لرنی رَئِیسلری کوُم- کوُک، حاصِلدار ییرلرگه بیر کوُلبه قوُریب، اِیگلّه ب آلیشَردی؛ بُوگونگی کوُنده اِیسه جَهاندَگی سَرمایَدارلر نِهایَتده کتّه ییرلرنی، مَخصُولاتلرنی حَتّی جَهان بازارلرینی اِیگلّه ب آلیشگن.
قدیمگی جاهِلِیَتده کیشی کوُچینی زُوری بیلن بیر آدَمنی اوُغیرلب، اوُنی اوُزیگه قول قیلیب آلردی. بُونگه اوُحشَش اِیشلر جَهانّی باشقه مِلّتلریده هَم صادِر بُولردی، حاضِرگی کونده هَم آدَم اوُغیرلش و آدَملرنی غَیری قانوُنی رَویشده صادِر قیلیش، قولدارلیک توُزیمینی حاضِرگی زَماندَگی اِیسکی رَویشگه کوُره قیلینَیاتگن رَوشَن نمُونه سی بُوله دی. بُو یُول آرقه لی نِهایَتده کتّه فایده قیلیشَدی، اَمّا قدیمگی اَربابلر قول آستیدَگی قولّرگه نِسبَتاً قیلگن حِذمَتلرنی بیرارته سینی هَم قیلیشمَیدی. قدیمگی اَربابلر قولّرنی اوُیینی، کِییمِینی تعمِینلب آذیق- آوقتینی بیرَردی، حاضِرگیلرچی؟
