موجود وضیعتده نیمه قیله آلمیز؟
بیز تُوشِیب قالگن مَنه بُو ضَرُورِی،مَجبُورِی حالَتده بَرچَه اِسلامِی مَذهَبلَرنی “آگاهانه،یُونَلتِیرِیلگن، حَرَکَتلی وَحدَتگه ” اَفضَل “اوُچ اَبزار”نی بیری بُولگن اوُلی الاَمر شُوراسینی کَنَلی آرقَلی، یِیتِیشِیمیز کِیرَک بُولگن اَصل مَقصَد نامی بیلن دَعوَت قیلَمیز. اَمّا مُسُلمانلرنینگ “مَوجُود وَضِیعَتِیگه” اِعتِبار بِیرگن حالده، بِیزلَر قَدَمّه- قَدَم آلدِینگه سِیلجِشگه مَجبُورمِیز و بُو یُولدَگی بِیرِینچی، عَمَلی قَدَم صِیفَتیده بَرچَه اِسلامِی مَذهَب، فِرقَه لَرنی “اِسلامِی اِتّحاد” آستِیده بِیرلَشِیشگه چَقِیرَمیز.
شُوندَی قیلیب بیز حاضِرگی “مَوجُود وَضِیعَتده” “اوُتیش مَرحَله سی” نامی آستِیده، “وَحدَتگه” یِیتِیش اوُچُون تُورلی- هِیل اِسلامی مَذهَبلرنی، تَفسِیرلَرنی مُتَّحید قیلیش یُولِیده بِیرینچی قَدَملَریمِیزنی باسِیب باریَپمِیز. یَنه بیر مَرته قَیتَرِیب اَیتَمَن،”اِتّحاد” پَیتِیده اوُندَگی بَرچَه قَتنَشُوچِیلَرنی اوُزِیگه حاص حُصُوصِیَتلَری بار بُولیب، بَعضِی بیر اوُرینلَرده بیر- بیریدَن فَرقلی بُوله آلَدی.
بیزلرنی بُو یِیردَگی اَیتَیاتگن “اِتّحاد”دَن بُولگن مَنظُورِمیز، شافِعِی یا حَنَفِی یا حَنبَلِی یا شِیعَه بُولگن شَخص، اوُزینی اِعتِقادلَری، اِیشانچلَرِدَن قُولِینی یُووِیب باشقه مَذهَب یا گورُوه یا جَماعَتگه تابِع بُولِیشِی کِیرَک،دِیگن مَعناده اِیمَس. حَتّی شَخص باشقه مَذهَبلردَن فَرقلی بُولگن اوُزِینی مَذهَبینی عَقیدَلَری،رَفتارلَرینی یَشِیریب یُورسِین هَم دِیِیلمَیدی،بَلکی بُو یِیردَگی “اِتّحاد”دَن بُولگن مَنظُور، هَر بیر مَسُلمان باشقه مُسُلمانلر بیلن مُشتَرَک بُولگن یُوزلَب نُوقته لَرگه، مُشتَرَک مَنفَعَتلرگه اِعتِبارنی قَرَتِیشی و بِیتّه جِبهه ده حَرَکَت قِیلیشی و اوُزیگه حاص بُولگن اِعتِقادلَریگه هَم عَمَل قیلیب بارَوِیرشی لازِم بُولَدی.
مَنه بُو اِیشلر بیلن بیرگه، یَنَه ده قَلبلَرنی و هِیلمه- هِیل دُنیا قَرَشلَرنی یَقِینراق بُولیشی یُولیده، اَصلِی مَقصَد نامِی بیلن “وَحدَت”گه یَقینراق بُولِیش اوُچُون شَخص باشقه مُسُلمانلر بیلن شَرعِی سُوزلَشُولر آلیب بارسَه، یَعنی اوُزِینی مَذهَبینی حاص دُنیا قَرَشلَرینی بَیان قیله آلَدی. لیکن اَگر مَنَه بُو سُوزلَشُولر تارتِیشُو،بَحثگه، قَلبلَرنی یَنَه ده اوُزاقلَشِیشِگه یا اوُرتَدَگی مُشتَرَک اُصُولَّرگه ضَربَه یِیتِیشِگه سَبَب بُولَدِیگن بُولسَه، بُو اِیشلَرنی یِغِیشتِریب قُویگن یَحشِی بُولَدی. بُو بارَده رَسول الله صَلی الله علیه وسلم مَرحَمَت قِیلَدِلَرکی: « اقْرَؤُوا القُرْآنَ ما ائْتَلَفَتْ قُلُوبُكُمْ، فإذا اخْتَلَفْتُمْ فَقُومُوا عنْه»[1] “دِیلَّرینگِیز اِتّفاقگه اِیگه بُولگوُنیچه قُرآن اوُقِینگلر؛ اوُنده اِختِلافگه تُوشیب قالگن پَیتِینگیزده، اوُندَن قُولینگیزنی تارتیب کِیتَوِیرِینگلر”، بِیزلرنی فِقه دَگی حاص تُوشُونچَلَرمِیز قُرآنّی آیَتِیدَن هَم مُهِمراقمِی؟
[1]البخاري5060 / مسلم 2267