سَوال: اِیراندَه پرِیزِیدِینتنِی سَیلاوِی اوُچُون اِسلامِی فِکردَن باشقَه نَرسَه نَظَرِینگِیزدَه یُوقمِی، بِیر نِیچَه بِیر هِیل فِکرلِی کِیشِیلَرنِی تَنلَب آلِیشَدِی-دَه، مَنَه بُولَرنِی بِیرِینِی سَیلَنگلَر، دِییِیشَدِی؟ مَنَه بُو تَنلَب آلِیش اوُیِینلَرِی اِنسانلَرنِینگ آزاد سَیلاوِیگه قَرشِی اِیمَسمِی؟
جَواب: 9/12/57 شَمسِی یِیلدَه 99% سَیلاوچِیلَرنِی آوازِی بِیلَن یَشِیل رَنگ آرقَلِی، اِیران اِسلامِی جُومهُورِیَتِیدَن حِمایَه قِیلِینَدِی (کِیهان، 14 فَروَردِین 1357) وَ اِیککِینچِی اِنقِلاب وُجُودگه کِیلَدِی، اِیران دارُ الاِسلامِی تَرِیخِیدَه اوُنِی “مَدَنِیَت اِنقِلابِی” دِیب اِیسلَشَدِی، دَرحَقِیقَت مَنَه بُو لِیبِیرَل وَ چَپ سِکوُلارِیستِیک فِکرلَرگه قَرشِی بِیر نَوع مُبارَزَه بُولِیب، اِنستِیتوُتلَر وَ تَعلِیم مَرکَزلَرِیدَگِی سِکوُلارِیستِیک تَعلِیماتلَرنِی هَم مَمنُوع قِیلِینَدِی.
1359 یِیلنِی 29 فَروَردِینِیدَه آیَتُ الله خُمَینِی اوُزِینِی مَعرُوضَه سِیدَه اِعلان قِیلَدِیکِی: “بِیزلَر اِقتِصادِی مُخاصَرَه لَر وَ حَربِی حَملَه لَردَن حَواطِرلَنمَیمِیز. بِیزلَر غَربنِی اِنستِیتوُتلَرِیدَن وَ یاشلَرِیمِیزنِینگ شَرق وَ غَربنِینگ مَنفَعَتلَرِی یوُلِیدَه تَعلِیم آلِیشلَرِیدَن حَواطِرلَنَمِیز.” شوُ سَبَبلِی هَم اوُ کِیشِینِی بُویرُوغِیگه بِینائاً 1359 یِیلنِی 22 خوُردادِیدَه اِنستِیتوُتلَر بُویِیچَه “مَدَنِی اِنقِلاب مَرکَزِی” تَشکِیل قِیلِینَدِی؛ مَنَه بُوندَن کِییِین اوُستازلَرنِی، اوُقِیتوُچِیلَرنِی اِیشگه آلِیش بُویِیچَه عِلمِی وَ عَقِیدَه وِی اِیککِی تَنلاو تَأیِینلَنَدِی، مَنَه بُو مَعقوُل وَ کامِل شَرعِی اِیش اِیدِی.
بِیر قانُونگه رِعایَت قِیلِینَدِیگن جَمِیعَتدَه شَخص اوُزِینِی خاص کوُز- قَرَشِیگه اِیگه بُولِیشِی وَ اوُزِینِی شَخصِی مَنزِیلِیدَه اوُزِیگه خاص شَخصِی عَمَللَرنِی اِجرا قِیلِیشِی مُومکِین. اَمّا باشقَه خانَدانلَرگه، کوُچَه گه وَ تَعلِیم مَرکَزلَرِیگه، اِدارَه لَرگه وَ باشقَه عُمُومِی مَکانلَرگه کِیرگن پَیتِیدَه، جَمِیعَتگه حاکِم بُولگن قانوُنلَرگه اِیرگشِیشِی لازِم بُولَدِی، اَگردَه اوُ اوُزِینِی جَمِیعَتدَگِی قانوُنلَرگه ماسلَشتِیرَه آلمَسَه، جَمِیعَتنِی تَشلَب کِیتِیشِی کِیرَک، شوُ سَبَبلِی هَم مُسُلمانلَر سِکوُلارلَرنِینگ دارُ الکُفرلَرِیدَه یَشَشدَن مَنع قِیلِینِیشگن، چوُنکِی اوُلَر اوُزلَرِینِی سِکوُلارِیستِیک قانوُنلَرگه ماسلَشتِیرَه آلِیشمَیدِی وَ ماسلَشتِیرمَسلِیکلَرِی کِیرَک.
شَخص اوُزِینِی فِکرِیگه اِیگه بُولِیشِی موُمکِین وَ هِیچ کِیم اوُنِی یِوراپَه نِی اوُرتَه عَصرلَرِیدَگِی عَقِیدَه لَرنِی تَفتِیش قِیلِیش بُویِیچَه سُوراق- سَوال قِیلمَیدِی، شوُنِینگدِیک هِیچ کِیم شَخصنِینگ مَنزِیلِینِی اِیچِیدَگِی عَمَللَرنِی تِیکشِیرِیب اوُتِیرمَیدِی،بَلکِی بوُندَی اِیشلَر جاسُوسلِیک وَ جِنایَت حِسابلَنَدِی، اَمّا بِیر کِیشِی بِیزنِی فَرزَندلَرِیمِیزنِی تَربِیَه سِی اوُچُون اِیشگه آلِینَدِیگن وَ فَرزَندلَرِیمِیزگه تَعلِیم- تَربِیَه بِیرَدِیگن بوُلسَه، یاکِی حُکوُمَت مَرکَزلَرِی، شُورالَردَه بِیزلَرنِی اوُستِیمِیزدَه حاکِمِیَت باشقَرَه دِیگن کِیشِیلَر یاکِی رَسُول الله صلی الله علیه وسلمنِی مِنبَرلَرِیگه اوُتِیرَدِیگن کِیشِیلَر اَلبَتَّه تَنلَب آلِینِیشِی کِیرَک، اِسلامِی جَمِیعَتدَه شَرِیعَت کوُز- قَرَشِی بُویِیچَه مَنَه بُوندَی اِیشگه لایِیق، مُناسِب بوُلِیشِی لازِم.
عُمَر ابن خَطّاب رَضِیَ الله عَنهُ آلدِین ضِرار مَسجِدِینِی اِمامِی بُولگن کِیشِینِی اِمام بُولِیشِیدَن مَنع قِیلَدِی، مَنَه بُو کِیشِی حَقِیدَه سُورَب- سُورِیشتِیرگندَن سُونگ، اوُنِینگ مُنافِقلَر توُدَه سِینِینگ مَقصَدلَرِیدَن بِی خَبَر اِیکَنِی وَ اَلدَنگنِی مَعلوُم بُولَدِی، بُوندَن کِییِینگِینَه اوُنگه مَسجِدگه اِمام بوُلِیشِیگه رُحصَت بِیرِیلگن.
سِیزنِی اوُزِینگِیز هَم اوُیلَنماقچِی بُولگن پَیتِینگِیزدَه یاکِی فَرزَندِینگِیزگه مُناسِب قِیزنِی تَنلَماقچِی بُولسَنگِیز یاکِی قِیزِینگِیزنِی توُرمُوشگه بِیرماقچِی بُولسَنگِیز، اِنساننِینگ جَمِیعَتدَگِی اَوَّلگِی پای دِیوارِینِی قوُرِیش یُولِیدَه اوُزِینگِیزنِی وَظِیفَه نگِیزگه عَمَل قِیلَسِیز وَ بِیر وَظِیفَه، شَرعِی اِیش عُنوانِی آستِیدَه اَلبَتَّه قَرشِینگِیزدَگِی طَرَفنِی عَقِیدَه سِی، رَفتارِی حَقِیدَه سُورَب- سُورِیشتِیرَسِیز. چُونکِی اَلله تَعالی مُسُلمان عَیالنِینگ آشکار “آلتِیتَه لِیک کافِرلَرنِینگ” هَمَّه سِی بِیلَن توُرمُوش قوُرِیشدَن مَنع قِیلگن وَ مُسُلمان اِیرکَکگه هَم سِکوُلار کافِر عَیاللَرنِی نِکاهِیگه آلِیشِی اَصلِی بَرائَتنِی اَساسِیگه کوُرَه مَنع قِیلِینگن.
شوُندَی بوُلَر اِیکَن اَلله نِی شَرِیعَتِیگه پایبَند بُولگن مُسُلمان اوُچُون تَنلاولَر، مَنَه بُو جَمِیعَتنِی اَوَّلگِی پای دِیوارِینِی قوُرِیشدَن باشلَنَدِی وَ دارُ الاِسلامنِی بَرچَه اِجرائِی تَشکِلاتلَرِینِی، شُورالَرنِی، حُکوُمَت مَسئُوللَرِینِی تَنلَشنِی اوُز اِیچِیگه آلَدِی وَ شُو طَرزدَه دارُ الاِسلامنِی اِینگ یُوقارِی مَقامدَگِی رَهبَرِیگه یِیتِیب بارَدِی، بُو اَنَه اوُشَه مُجتَهِد، فَقِیه رَهبَر بوُلِیب اوُزِیگه خاص شَرطلَر اَساسِیدَه سَیلَنَدِی.