دِیندَن قاچِیش تَصَوُّرِی یاکِی “وَهن”نِی حَقِیقَتِی وَ مُؤمِنلَرنِی تاماشَه بِین بُولِیشلَرِی هَمدَه دارُ الاِسلامدَگِی اِجرائِی تَشکِلاتلَرنِینگ بِیپَروالِیگِی.
(7-قیسم)
اَلبَتَّه بُو یِیردَه بَعضِی عامِللَر هَم بار بُولِیب شُو عامِللَر بِیر گوُرُوه یاشلَرِیمِیزنِی مُؤمِنلَرنِینگ یُولِیدَن ، صَفِیدَن چِیقِیب مُنافِقلَرنِینگ تُودَه سِینِی لَشکَرِیگه قوُشِیلِیشلَرِیگه وَ اِسلام دِینِیدَن سِکوُلارِیزم دِینِیگه کوُچِیب اوُتِیشلَرِیگه بائِث بوُلگن.
تَشقِی بِیرِینچِی وَ مُهِم عامِللَردَن بِیرِی، شَخصنِی تَربِیَه وِی، عَقِیدَه وِی، اَخلاقِی مَسئُوللَرِی بوُلمِیش آتَه – آنَه حِسابلَنَدِی. اَلله تَعالَی اوُلَرگه فِطرَتِی جِهَتِیدَن اِسلامنِی هاحلَیدِیگن فَرزَند بِیرگن: فِطْرَتَ اللَّهِ الَّتي فَطَرَ النَّاسَ عَلَيْهَا(روم/30) آخِیرگِی اِسلام شَرِیعَتِیدَه اِنسانلَرنِی قاچِیشِیگه سَبَب بوُلَدِیگن هِیچ قَندَی عُنصُور تاپِیلمَیدِی، شوُندَی بوُلگچ بَعضِی بِیر کِیشِیلَرنِی مَنَه بُو شَرِیعَتدَن باشقَه دِینلَرگه یا سِکوُلارِیزم دِینِیگه اوُتِیب کِیتِیشلَرِیگه تَشقِی عامِللَر سَبَب بُولَدِی.
مَنَه بُو فَرزَند بَلاغَت یاشِیگچَه اَلله تَعالَی بِیرگن ذِهنِی قابِیلِیَتلَرِی بِیلَن اَستَه – سِیکِینلِیک بِیلَن اوُزِینِی مُستَقِیل شَخصِیَتِینِی قوُرِیب بارَدِی وَ اوُزِینِی مُستَقِیل شَخصِیَتِینِی شَکللَنتِیرَدِی، اوُنِی یَنگِی شَخصِیَتِی طَبِیعِی صَورَتدَه اِسلامِی طَرزدَه شَکللَه نِیشِی وَ رَسمِی صُورَتدَه تَن آلِینِیشِی لازِم؛ اَمّا مَسئُولِیَتسِیز، بِیپَروا آتَه – آنَه لَر اوُنِی شَرِیعَت اَرزِیشلَرِی وَ اِسلامِی شَخصِیَت بُویِیچَه تَربِیَه قِیلِیشمَیدِی وَ فَرزَندلَرِینِی توُرلِی- توُمَن بُوحرانلَر، سَرگردانلِیکلَر، رَغبَتسِیزلِیکلَر بِیلَن تَشلَب قوُیِیشَدِی، یاکِی بِیپَروالِیک، اِیختِیاطسِیزلِیک بِیلَن اوُنِی تَربِیَه سِینِی دُشمَننِینگ توُرلِی – هِیل سپُوتنِیک کَنَللَرِینِی وَ هَر- هِیل مَدرَسَه لَرنِی، ناساغلام گوُرُوهلَرنِی اِیختِیارِیگه حُوددِی آپپاق بِیر قاغاذگه یا بُوش فلَشگه هاحلَگن نَرسَه سِینِی یازَدِی.
شُو طَرزدَه آتَه – آنَه فَرزَندلَرِی اوُچُون آخِیرگِی پَیغَمبَرنِی شَرِیعَتِیدَه باشقَه عَقِیدَه لَرگه کوُچِیب اوُتِیشلَرِیگه یوُلنِی آسان قِیلِیب قوُیِیشَدِی؛ رَسُول الله صلی الله عَلَیهِ وَسَلّمنِی سُوزلَرِی بُویِیچَه: ما مِن مَوْلُودٍ إلَّا يُولَدُ علَى الفِطْرَةِ، فأبَوَاهُ يُهَوِّدَانِهِ أوْ يُنَصِّرَانِهِ، أوْ يُمَجِّسَانِهِ[1] هَر قَندَی یَنگِی توُغِیلگن بالَه فِطرَت (تَوحِد) بُویِیچَه دُنیاگه کِیلَدِی، آتَه – آنَه سِی اوُنِی یا یَهُودِی یا نَصرانِی یا مَجُوس قِیلَدِی.
مَنَه بُوندَی جِنایَتچِی آتَه – آنَه لَر اوُزلَرِینِی سُوراق- سَوال قِیلِینَدِیگن کوُنگه تَیّارلَشلَرِی لازِم، اوُ کوُندَه مَلائِکَه لَرگه اَمر قِیلِینَدِیکِی، یِیلکَه سِیدَه مَسئوُلِیَت تاپشِیرِیلگن اِنسانلَرنِی بَرچَه سِینِی سُوراق- سَوال قِیلِینِیشِی اوُچُون اوُشلَب توُرِینگلَر. وَقِفُوهُمْ إِنَّهُم مَّسْئُولُونَ (صافات/24)
(دوامی بار…..)
[1] أخرجه البخاري (1358) واللفظ له، ومسلم (2658)