شَرعِی دُشمَنشُوناسِی (3) عُمُومِی صوُرَتدَه تَن آلِیش وَ اِیچکِی یَشِیرِین کافِرلَر یا مُنافِقلَر وَ سِکوُلارزَدَه لَر بِیلَن مُعامَلَه قِیلِیش رَوِیشِی
مُقَدّمات دَرسلَرِی / بِیشِینچِی دَرس
شَرعِی دُشمَنشُوناسِی (3) عُمُومِی صوُرَتدَه تَن آلِیش وَ اِیچکِی یَشِیرِین کافِرلَر یا مُنافِقلَر وَ سِکوُلارزَدَه لَر بِیلَن مُعامَلَه قِیلِیش رَوِیشِی
(22- قیسم)
- مُخلِص مُؤمِنلَرنِی اَخماق وَ اوُزلَرِینِی عالِم، فِکرِی آچِیق کِیشِی دِیب حِسابلَیدِیلَر: «وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ ۗ أَلَا إِنَّهُمْ هُمُ السُّفَهَاءُ وَلَٰكِن لَّا يَعْلَمُونَ (بقره/۱۳)، اوُلَرگه: “مَنَه بُو کِیشِیلَردِیک اِیمان کِیلتِیرِینگلَر،” دِییِیلسَه، “شوُ پَستکَشلَرگه اوُحشَب مُؤمِن بُولَمِیزمِی؟”، – دِییدِیلَر. آگاه بُولِینگِیزکِیم، اوُلَرنِینگ اوُزلَرِی تُوبَن کِیمسَه لَردِیر، لِیکِن بُونِی بِیلمَیدِیلَر.
اوُلَر مُسُلمانلَرنِی اَخماق، ساددَه، اِیشانوُچَن، دِیب بِیلِیشگندَن کِییِین اوُزلَرِینِی شَیطان صِیفَت اَخلاقلَرِینِی، اِیککِی یُوزلَمَه چِیلِیکلَرِینِی، نِفاقلَرِینِی باخوُشلِیک، عَقللِی، خُوشیار بُولِیش قالِیبِیگه سالِیب تَصَوُّر قِیلِیشَدِی. حاضِردَه هَم بُو گپ جُودَه کوُپچِیلِیکنِی آرَسِیدَه مَشهُور بُولِیب کِیتگن، مَثَلاً اَیتِیشَدِیکِی: فَلانچِی جُودَه اوُتکِیر، باخوُش اِیکَندَه بِیر قَنچَه آدَمنِی اَلدَب کِیتَدِی یاکِی نِهایَتدَه عَقللِی اِیکَندَه بِیر نِیچَه آدَمنِی مالِینِی یِیب کِیتَدِی یاکِی جُودَه اوُستَه اِیکَندَه فَلانچِیگه آتَه سِینِی بایلِیگِی سَبَبلِی اوُیلَندِی وَ مالوُ- دَولَتِینِی اِیگللَب آلَدِی، سُونگرَه اِیسَه اوُنِی طَلاغِینِی بِیرَدِی. باشقَه لَرنِی نَزدِیدَگِی پَستکَشلِیک،رِضالَت، فِتنَه، بُوزغوُنچِیلِیک قِیلِیش اوُلَرنِی نَزدِیدَه عَقللِی بُولِیش، خوُشیارلِیک حِسالَنَدِی؛ حَقگه تَسلِیم بُولِیش وَ صادِقلِیک بِیلَن حَیات کِیچِیرِیش اوُلَرنِی نَزدِیدَه اَخماقگرچِیلِیک، ساددَه لِیک، قالاقلِیک، اِیسکِیچَه فِکرلَش بوُلَدِی. اَمّا اَلله تَعالَی نِی اَیتِیشِیچَه، اوُلَرنِی اوُزلَرِی اَخماقدِیرلَر وَ بُونِی اوُزلَرِی هَم بِیلِیشمَیدِی. مَنَه بُو بِیلمَسلِیکلَرِی سِکوُلارِیستلَرنِینگ باشِیگه کِیلگن اِینگ یامان بَلا بوُلَدِی. «وَلَٰكِن لَّا يَعْلَمُونَ».
اوُلَر قَدِیمدَه گرِیکلَرنِی، هِیندلَرنِی، زُوروانِیلَرنِی اَدَبِیاتِی بِیلَن حاضِردَه اِیسَه سِکوُلارِیستلَرنِی، دِیماکرَتِییَه نِی اَدَبِیاتِی، سِکوُلارِیستلَرنِی رَوِیشِیگه کوُرَه مَدَنِیَتلَشگن جَمِیعیَت بِیلَن اَلله نِی شَرِیعَتِیدَگِی قانوُنلَرگه، مُسُلمانلَرگه قَرشِی جَنگ قِیلِیشیَپتِی، اوُلَر اوُزلَرِینِی نِهایَتدَه عَقللِی، تَرَقِّی تاپگن،مَدَنِیَتلِی دِیب بِیلِیشَدِی، مُسُلمانلَرنِی وَ اوُلَرنِی رَهبَرلَرِینِی اِیسَه اَخماق، نادان، قالاق، اِیسکِیچَه فِکرلَیدِیگن دِیب فَرض قِیلِیشَدِی. شوُنِیسِی قِیزِیقکِی،حاضِرگِی پَیتدَه اوُلَر توُرلِی- هِیل بَهانَه لَر وَ اوُزلَرِیگه خاص تَعوِیلاتلَر بِیلَن اوُزلَرِینِی تَشقِی کوُرِینِیشدَه هَم پَیغَمبَرلَرگه، اَئِمَّه گه، مُسُلمانلَرگه اوُحشَتمَسلِیککَه حَرَکَت قِیلِیشَدِی. ظاهِرلَرِی هَم اوُلَرگه اوُحشَشِینِی اِیستَشمَیدِی.
اوُلَر رَسُول الله صلی الله علیه وسلمنِی اَطرافِیدَگِیلَرنِی اَخماق،تِینتَک، اِیسکِیلِیک طَرَفدارِی دِیب بِیلگندَن سُونگ اوُزلَرِینِی اوُلَرگه اوُحشَتِیشنِی هَم هاحلَمَسلِیکلَرِی هَم طَبِیعِی نَرسَه. اِیندِی اَگر سِیز سِکوُلارزَدَه لَرگه صَحابَه لَرگه اوُحشَش اِیمان کِیلتِیرِیشِینگلَر، صَحابَه لَرگه اوُحشَب اَلله نِی شَرِیعَتِیدَگِی قانوُنلَرگه تَسلِیم بُولِینگِیز، فَرزَندلَرِینگِیزگه وَ خانَدانِینگِیزگه، قوُشنِیلَرِینگِیزگه، جَمِیعیَتگه صَحابَه لَرگه اوُحشَب مُناسَبَتدَه بُولِینگِیز، دِیسَنگِیز اوُلَر تِیزدَه اَیتِیشَدِیکِی، حاضِر جَمِیعیَت اوُزگرگن، مَنَه بُو قانوُنلَرگه بُو زَماندَه رِعایَه قِیلِیب بُولمَیدِی. حاضِرگِی زَماندَه جَمِیعیَت رِواجلَنِیب کِیتگن، 1400یِیل آلدِینگِی قانُونلَر بِیلَن اوُنِی اِدارَه قِیلِیب بوُلمَیدِی.
یَعنِی حاضِر تَیّارَه لَر، پایِیزدلَر، مَشِینَه لَر، کامپیُوتِیر، اِینتِیرنِیت، سپُوتنِیک عَصرِی بوُلِیب بُو زَماندَه زِنانِی، شَرابخوُرلِیکنِی، هَمجِنسبازلِیکنِی، اوُغِیرلِیکنِی، قَتلنِی، باسقِینچِیلِیکنِی مَنع قِیلِیب وَ عائِلَه نِی اَلله نِی شَرِیعَتِیدَگِی قانوُنلَر اَساسِیدَه بَرپا قِیلِیشنِی، اَلله نِی شَرِیعَتِیدَگِی قانوُنلَر اَساسِیدَه حوُدوُدلَرنِی اِجرا قِیلِیشنِی وَ باشقَه نَرسَه لَرنِی اِیشلَتِیب بُولمَیدِی. اوُلَرنِی مَنَه بُوندَی پوُچ اِدَّعالَرِی بار.
مَنَه بُو تِینتَک وَ اَخماقلَر اِیرکَک وَ عَیالنِی حُقوُقِینِی رِعایَت قِیلِیشنِی تَرَقِّییاتگه،تِیهنالاگِییَه گه نِیمَه عَلاقَه سِی بارلِیگِینِی بِیلِیشمَیدِی؟ مَثَلاً اِیلگرِی آدَملَر آت، توُیَه، اِیشَک بِیلَن سَفَرگه چِیقِیشگن زَماندَه اِیرکَک وَ عَیالنِی حُقوُقِیگه رِعایَه قِیلِینگن بُولسَه، حاضِرگِی تَیّارَه لَر، پایِیزدلَر، اِینتِیرنِیت، مَشِینَه،کِیلگن پَیتِیدَه مَنَه بُو حُقوُقلَرنِی، مَسئوُلِیَتلَرنِی، وَظِیفَه لَرنِی آیاق – آستِی قِیلِيب بيیر- بيیرِیگه رفتار قِیلِینَدِیمِی؟ قُرآن 1400 یِیل آلدِین آتَه – آنَه گه اِحسان قِیلِینگلَر دِیگن، اِیندِی آرَدَن شوُنچَه عَصر اوُتگچ آتَه –آنَه گه اِحسان قِیلِیش اوُزگرِیب قالَدِیمِی؟ یالغان وَ خِیانَت یامان دِییِیلگن، حاضِردَه هَم یامان بُویِیچَه قالَدِی؛ زِنا وَ باشقَه لَرنِی نامُوسِیگه تَجاوُوز قِیلِیش یامان بُولسَه، حاضِردَه هَم شُو حالِیچَه قالَدِی؛ بِیگوُناه اِنسانلَرنِی قَتل قِیلِیش یامان بُولگن،حاضِردَه هَم یاماندِیر. مَنَه شُو تَرتِیبدَه اَلله نِی شَرِیعَتِیدَگِی قانوُنلَردَه مَوجُود شوُنگه اوُحشَگن اوُرِینلَر تا قِیامَت کوُنِیگچَه ثابِت بوُلِیب اوُزگرمَیدِی، آتنِی اوُرنِیگه تَیّارَه نِی کِیلِیب قالِیشِی بِیلَن بُو نَرسَه لَر اوُزگریب قالمَیدِی. «أطعَمَهُم مِن جُوعٍ وَ آمَنَهُم مِن خَوفٍ» هَمِیشَه یَحشِی بُولِیب قالَدِی، «فَلیَعبُدُوا رَبَّ هَذَا البَیت» هَمِیشَه یَحشِی بُولِیب قالَدِی.
شُونِی یَحشِی بِیلِینگلَرکِی، اوُلَر یالغانچِیدِیرلَر. اوُلَر رَسُول الله صلی الله عَلَیهِ وَسَلَّمنِی زَمانلَرِیدَه هَم اَلله نِی شَرِیعَتِیدَگِی قانوُنلَرگه اِیرگشِیشمَسدِی وَ اوُشَه زَماندَگِی اَلله نِی شَرِیعَتِیدَگِی قانوُنلَردَه مَوجُود مَنَه بُو اَرزِیشلَرگه رِعایَه قِیلَیاتگن مُسُلمانلَرنِی اَخماق، تِینتَک، قالاق دِیب سَنَشَر، اوُزلَرِینِی اِیسَه عَقللِی،رَوشَن فِکر، زَمانَه وِی دِییِیشَردِی.
(دوامی بار…..)
