شَرعِی دُشمَنشُوناسِی (3) عُمُومِی صوُرَتدَه تَن آلِیش وَ اِیچکِی یَشِیرِین کافِرلَر یا مُنافِقلَر وَ سِکوُلارزَدَه لَر بِیلَن مُعامَلَه قِیلِیش رَوِیشِی
مُقَدّمات دَرسلَرِی / بِیشِینچِی دَرس
شَرعِی دُشمَنشُوناسِی (3) عُمُومِی صوُرَتدَه تَن آلِیش وَ اِیچکِی یَشِیرِین کافِرلَر یا مُنافِقلَر وَ سِکوُلارزَدَه لَر بِیلَن مُعامَلَه قِیلِیش رَوِیشِی
(83- قیسم)
آلتِینچِی سَوال: اَلسَّلامُ عَلَیکُم، فِتنَه نِی آرتِیدَن توُشگن کِیشِیلَر گوُناهِی کَبِیرَه گه دُوچار بُولِیشگنمِی یا گوُناهِی صَغِیرَه گه؟
اَلله تَعالَی مَرحَمَت قِیلَدِیکِی: «الفِتنَةُ أشَدُّ مِنَ القَتلِ» (بقره/191) ،«الفِتنَةُ أکبَرُ مِنَ القَتلِ» (بقره/217)، فِتنَه نِی گوُناهِی، جِنایَتِی قاتِیللِیکدَن یوُقارِیدَه توُرَدِی. اَلبَتَّه قاتِیللِیکنِی اوُزِی هَم گوُناهِی کَبِیرَه لَردَن اِیکَنِینِی یَحشِی بِیلَمِیز. حَتَّی قاتِیللِیک وَ جَنگ قِیلِیش فِتنَه نِی یُوقاتِیش اوُچُون اَبزار وَ واسِیطَه بُولَه آلَدِی. «وَقَاتَلُوهُم حَتَّی لتکون فتنة» (بقره/193- انفال/39). تا فِتنَه توُگب، بوُتوُن دِین اَلله اوُچُون بوُلگوُنگه قَدَر اوُلَر بِیلَن اوُرِیشِینگِیز! یَعنِی مُسُلمان کِیشِی فِتنَه نِی یُوقاتِیش اوُچُون اوُز اِیختِیارِی بِیلَن اوُزِینِی جانِینِی هَم فِیدا قِیلَدِی وَ فِتنَه چِیلَرنِی جانِینِی هَم آلَدِی. فِتنَه،بَلا وَ مُصِیبَت وَیرانگر نَرسَه لَردَن حِسابلَنَدِی، اَگر اوُنِی آلدِینِی آلِینمَسَه، اوُ حُولوُ- قوُرُوقنِی هَمَّه سِینِی کوُیدِیرِیب اوُزِی بِیلَن آلِیب کِیتَدِی. شوُ سَبَبلِی هَم اَلله تَعالَی فِتنَه دَن پَرهِیز قِیلِیشگه اَمر قِیلَدِی: «وَاتَّقُوا فِتنَةً لَا تُصِیبَنَّ الَّذِینَ ظَلَمُوا مِنکُم خَاصَّة» (انفال/25).
شُونِینگ اوُچُون هَم مُسُلمانلَر اوُزلَرِینِی دُعالَرِیدَه اَلله تَعالَی دَن اوُلَرنِی کافِر وَ ظالِملَر تامانِیدَن کِیلِیب چِیقَدِیگن عَقِیدَه وِی وَ اِجتِمائِی فِتنَه وَ بَلالَرگه گِیرِیفتار قِیلمَسلِیگِینِی وَ اوُلَرنِی ظالِملَر، کافِرلَر بِیلَن اِمتِحان قِیلمَسلِیگِینِی سُورَیدِی: «رَبَّنَا لَا َتجعَلنَا فِتنَةً لِلَّذِینَ کَفَرُوا فَاغفِرلَنَا رَبَّنَا إنَّکَ أنتَ العَزِیزُ الحَکِیم» (ممتحنه/5) یاکِی باشقَه بِیر اوُرِیندَه شوُندَی دُعا قِیلِینَدِی: «رَبَّنَا لَا َتجعَلنَا فِتنَةً لِلقَومِ الظَّالِمِینَ».
یِیتتِینچِی سَوال: سَلام، بِیزلَر اِیراندَه اِیران حَلق مُجاهِدلَرِی ناملِی گوُرُوهگه اِیگمِیز، بُوگوُنگِی کوُندَه اَخبارات واسِیطَه لَرِیدَه اوُنگه مُنافِقلَر دِییِیلَدِی. اوُلَرگه نِسبَتاً مَنَه بُو اِسمدَن فایدَلَنِیش توُغرِیمِی؟
اَوَّلا شوُنِی اَیتِیش کِیرَککِی، حاضِردَه مَنَه بُوندَی گوُرُوه مَوجُود اِیمَس. اَلبَتَّه اوُتگن تَرِیخدَه شوُندَی نَرسَه بُولگن، اَمّا حاضِردَه اِیراندَه مَوجُود اِیمَس. بِیر آزگِینَه اِیضاح بِیرِیب اوُتماقچِیمَن، شوُندَن سُونگ جَوابگه یِیتِیب بارَمِیز، اِنشاءَالله .
بُو گوُرُوه 1344 یِیلنِی شَهرِیوَر آیِیدَه اوُشَه زَماننِی پَهلَوِی حُکوُمَتِیگه قَرشِی مُبارَزَه قِیلِیش اوُچُون طِهران عالِی اوُقوُو یُورتِینِی بِیر نِیچَه طَلَبَه لَرِی واسِیطَه سِیدَه تَشکِیل تاپگن اِیدِی. اوُلَرنِی اِیککِی نَفَرِی عالِی اوُقوُو یوُرتِینِی تَماملَگن، یَنَه بِیرِی اِیسَه اوُقِییاتگن حالِیدَه اوُقِیشنِی تَشلَب کِیتَدِی. اوُلَر آزادِی حَرَکَتِیدَن چِیقِیب کِیلِیشگن اِیدِی. آزادِی حَرَکَتِی هَم هَمَّه مِیز یَحشِی بِیلگنِیمِیزدِیک، یاکِی اوُلَرنِی اوُزلَرِینِی اِصطِلاحلَرِی بِیلَن اَیتگندَه مِللِی – مَذهَبِی بوُلِیشگن، یَعنِی اوُندَه هَر هِیل طائِفَه، شَخصلَر توُرلِی – هِیل عَقِیدَه لَر هَم تاپِیلَدِی. اوُلَرنِی مَنهَجِی هَم حاضِرگِی پَیتدَگِی اِخوانُ الشَّیاطِیننِی مَنهَجِی بِیلَن بِیر هِیل بُولگن. شُو سَبَبلِی هَم بُو یاشلَر اوُ حَرَکَتنِی یاقتِیرمَسدَن چِیقِیب کِیتِیشَدِی. اَلبَتَّه مَنَه بُوندَی مَنهَجنِی اوُشلَگن بُو گوُرُوهدَن کِیملَرنِیدِیر چِیقِیب کِیتِیشِی هَم طَبِیعِی نَرسَه.
اوُلَرنِی بِیرِینچِی یازگن کِتابلَرِی مِیتادِییالاجِی اِیدِی، اوُستِیگه مَذهَبِی غِلاف اوَرَلگن مَرکِسِیزم کوُز- قَرَشلَرِیگه اِیگه بِیر کِتاب بُولگن، اوُشَه زَماننِی حُکوُمَتِینِی تِیلِی بِیلَن اَیتگندَه بُو کِتاب اِسلامِی مَرکِسِیزم اَساسِیدَه یازِیلگن اِیدِی، کِتابنِی مُعَلِّفلَرِینِی سوُزِی بِیلَن اَیتگندَه هَم اِسلامِی سِکوُلارِیزم یا اِسلامِی مَرکِسِیزم، اِسلامِی ساسِییالِیزم وَ …….بُولگن، مُسُلمانلَرنِی جاهِللِیگِی سَبَبلِی مَنَه بُو کَلِیمَه لَردَن فایدَلَنِیشگن. مَنَه بُو کِتاب مَعرِیفَت جِهَتِیدَن هَم مَرکِسِیزم اَساسلَرِینِی قَبُول قِیلگن اِیدِی.
بُو گوُرُوهنِی اَعضالَرِی زِندانگه تَشلَنَدِی، اَمّا 54 یِیلدَه اَجَبلَنَدِیگن واقِیعَه صادِر بُولَدِی؛ زِنداندَن تَشقَرِی بُولگن کِیشِیلَرنِی اَکثَرِی، یَعنِی اوُلَرنِی کوُپچِیلِیگِی اِیراندَه زِنداندَن تَشقَرِی آزادلِیکدَه بُولِیشگن، مَنَه بُو کِیشِیلَر رَسمِی رَوِیشدَه مَنَه بُو گوُرُوهنِی اِدِییالاگِیَه سِینِی مَرکِسِیزم دِیب اِعلان قِیلِیشَدِی، اَمّا کِتابنِی غِلافِی مَذهَبچِیلِیککَه اَساسلَنگن بُولِیشِی کِیرَک، دِییدِیگن کِیشِیلَر اِیسَه تِیرار قِیلِینَدِی، مَجِید شَرِیف واقِیفِیگه اوُحشَش کِیشِیلَر.
اوُلَر اوُزلَرِینِی اِدِییالاگِیَه لَرِینِی کامُّونِیزم دِیب اِعلان قِیلگنلَرِیدَن سُونگ اَیتِیشَدِیکِی:” اَوَّلدَه مَرکِسیزم وَ اِسلامدَن تَرکِیب قِیلَه آلَمِیز، دِیب اوُیلَگن اِیدِیک، تَرِیخدَگِی فَلسَفَه نِی مَتِیرِیالِیزمسِیز قَبُول قِیلَه آلَمِیز دِیگن اِیدِی، اِیندِی اِیسَه بوُندَی نَرسَه موُمکِین اِیمَسلِیگِینِی توُشوُنِیب یِیتدِیک. بِیزلَر مَرکسِیزمنِی تَنلَدِیک، زِیرا اِیشچِیلَر قَتلَمِینِی حُکمرانلِیک آستِیدَه آزاد قِیلِیش اِینگ توُغرِی وَ حَقِیقِی یوُلدِیر.” مَنَه بُونِی اوُلَر اوُزلَرِینِی بِیرِینچِی بَیاننامَه لَرِیدَه بِیلدِیرِیشگن.
(دوامی بار……)
